Qaqortoq
Assit: Tasersuup Atuarfia serlersaarfigineqareersoq
Tasersuup Atuarfiata suliarineqarfia serlersaarfigineqarpoq, atuarfiullu nutaartassaata suliarineqarnera sivitsorsinnaasoq oqaatigineqarluni
Qaqortumi meeqqat atuarfiat Tasersuup Atuarfia marlunngornerup ullaavani serlersaarneqarmat 70.000 koruunit 100.000 koruunillu akornanni akisutigisumik aserorterisoqarsimasoq naatsorsuutigineqarpoq. Angutit marluk serlersaarinermut pasineqarput, siulleq serlersaaqataasimasutut nassuerpoq aappaa pinngitsuulluni oqarluni.
Tasersuup Atuarfiata nutaartassaata suliarineqarnera sapaatip akunnerini marlunni pingasuniluunniit suliarineqassasoq Kommune Kujallermit William Jagdev Sermitsiag.AG-mut oqarpoq.
Serlersaarineq marlunngornerup ullaavani pivoq, pasineqartullu marlunngornerup ualiani tigusarineqarlutik.
Serlersaarisoqareertillugu misissuinermi ilaatigut uku aserorterneqarsimasut paasineqarput:
- Isaarissap matua
- Igalaat pingasut
- Natit Linoleumsiusut
- Sikaavik
- Iigaq kaatamik aserorneqarpoq
- Asaffiit pingasut - sisamat
- Qalialerinermik atortorissaarut gassi
- Raatiu sanasut atortagaat
Serlersaarisut Eqqartuussisoqarfik Kujallermut eqqartuunneqassanersut suli aalajangiiffigineqanngilaq.