kommunimut qinersineq
Assit takukkit: Tunumi nammineq sassartitat qinerneqartarput
Tasiilami aamma Ittoqqortoormiini qinersisartut kingullermik nammineq qineqqusaartitatik qinerpaat - iluatsittumik
Ukiut sisamat matuma siorna qinersisoqarnerani Tunumi qinersisartut nammineq sassartitatik malunnartumik qinerpaat.
Sinerissamilu sumiiffinni allani aamma taamaattoqartarpoq, kisianni Tasiilami nunaqarfinnilu aamma Ittoqqortoormiini allaneersut qinerneqanngilluinnangajapput.
Qinikkat tallimat
Tamannalu periuseq iluatsippoq; kangiata sineriaanit qinigassanngortittut tallimat Kommuneqarfik Sermersuumut ilaasortanngorput, ataaseq Ittoqqortoormiinit tallimallu Tasiilameersut. Ataaserli qinerneqarsinnaanngitsutut nalunaarutigineqarpoq.
Illoqarfimmit tamanit inissaq ataaseq qulakkeerneqarpoq, kisianni tamanna sinnerlugu pingasunik sinnerlugit qinigaatitsisoqarpoq, taakkulu inuttussutsimut sanilliullugu amerlapput.
Men da vælgerne i Nuuk spreder deres stemmer over mange kandidater, så fik kandidaterne fra Østgrønland flotte personlige stemmetal.
Allaneersut qinerneqarpiarneq ajortut
Kisitsisit misissorluaraanni takuneqarsinnaavoq, Ittoqqortoormiinit sassartinneqartut marluk, Erling Madsen (A) aamma Charlotte Pike (IA) katillutik illoqarfimmi taasinerit 80 procentii sinnilaarlugit pissarsiarisimagaat.
Siumut Ittoqqortoormiini sassartitaqanngitsoq, taamaalillunilu illoqarfimmi iluatsitserpianngilaq.
Tasiilamit qinigassanngortittut taasinerit 86 procentii pissarsiaraat. Tasiilamit nunaqarfinniillu tassani 17-t sassartinneqarput.
Allaat borgmester Asii Chemnitz Narup (IA) Tasiilami 46-innarnit taaneqarpoq.
Tunumi qinersisartut aamma sassartitatik maanna taama taagortigissaneraat apeqqutaavoq, qinersinermilu kisitsinerup kommunalbestyrelsimi ilaasortaatitaqartilluassaneraat paasinarsissaaq.
Siumup maanna Rolf Pike aamma Andreas Sanimuinaq Ittoqqortoormiinit sassartippai, tamatumalu illoqarfimmi siulianut sanilliullugu angusarissaartinnerussagai ilimanarpoq.