Assit takukkit: Takornarialerinermi nersornaaserneqartut aajuku

Visit Greenland aamma Air Greenland nuna tamakkerlugu takornarialerineq pillugu ataatsimeersuartoqarneranut atatillugu nersornaasiineq Greenland Tourism Awards 2018 pilersippaat

Inunnguaq Hegelund Kalaaliaqqameersoq, Innovation Awardimi ajugaasoq oqalugiarpoq.
Jesper Schrøder Destination Arctic Circlemit, Sustainability Awardimut nersornaat Jens Pavia Brandt Greenland Outdoorsimeersoq sinnerlugu nersornaammik tigusivoq, inuttaa nersornaasiinermut peqataasinnaasimanngilaq.
Noelle Simoudip nersornaat ataqqinartoq The Greenland Tourism Award, angunni Jacky Simoud Blue Ice Explorerimersoq sinnerlugu tiguaa
Visit Greenlandip siulersuisuini siulittaasoq, kiisalu Air Greenlandimi niuernermut pisortaasoq, Maliina Abelsen, Visit Greenlandimi pisortaq Julia Pars peqatigalugu.
Noelle Simoudip nersornaat ataqqinartoq The Greenland Tourism Award, angunni Jacky Simoud Blue Ice Explorerimersoq sinnerlugu tiguaa Filip GieldaVisit Greenlandip siulersuisuini siulittaasoq, kiisalu Air Greenlandimi niuernermut pisortaasoq, Maliina Abelsen, Visit Greenlandimi pisortaq Julia Pars peqatigalugu. Filip GieldaInunnguaq Hegelund Kalaaliaqqameersoq, Innovation Awardimi ajugaasoq oqalugiarpoq. Filip GieldaJesper Schrøder Destination Arctic Circlemit, Sustainability Awardimut nersornaat Jens Pavia Brandt Greenland Outdoorsimeersoq sinnerlugu nersornaammik tigusivoq, inuttaa nersornaasiinermut peqataasinnaasimanngilaq. Filip GieldaNoelle Simoudip nersornaat ataqqinartoq The Greenland Tourism Award, angunni Jacky Simoud Blue Ice Explorerimersoq sinnerlugu tiguaa Filip GieldaVisit Greenlandip siulersuisuini siulittaasoq, kiisalu Air Greenlandimi niuernermut pisortaasoq, Maliina Abelsen, Visit Greenlandimi pisortaq Julia Pars peqatigalugu. Filip GieldaInunnguaq Hegelund Kalaaliaqqameersoq, Innovation Awardimi ajugaasoq oqalugiarpoq. Filip GieldaJesper Schrøder Destination Arctic Circlemit, Sustainability Awardimut nersornaat Jens Pavia Brandt Greenland Outdoorsimeersoq sinnerlugu nersornaammik tigusivoq, inuttaa nersornaasiinermut peqataasinnaasimanngilaq. Filip Gielda

Kalaallit Nunaanni takornarialerineq pillugu ataatsimeersuarneq Towards More Tourism ulluni makkunani Nuummi ingerlanneqaleruttorpoq. 7. november nersornaat Greenland Tourism Awards 2018 takornarialeriffinnut pingasunut tunniunneqarpoq.

- Nuna tamakkerlugu sumiiffinnilu immikkoortuni akornutaanngitsumik aaqqissuinerit, inerisaaneq, isumannaallisaaneq, sullissilluarneq kiisalu nioqqutigisap pitsaassusaa aallaavigalugit nersornaasiineq nalliuttorsiutigineqarpoq, aaqqissuisut tusagassiuutinut nalunaarummi allapput.

Takornarialerisut piukkussanik toqqaasut

Takornarialerisut akorniminni nersornaatinik ukunannga assigiinngitsunik pingasunik nersornaasigassatut piukkussaminnik toqqaanikuupput: Innovation Award, Sustainability Award og The Greenland Tourism Award 2018. Taakkua toqqakkat akorngini nersornaasiinermut ataatsimiititaliap Visit Greenlandip, Air Greenlandip kiisalu Greenland Businessip sinniisaannik ilaasortallip pingasut toqqarpai.

- Kalaallit Nunaanni takornarialerillaqqissut inerisaaneq, akornutaanngitsumik aaqqissuisinnaaneq kiisalu ataqqinaammik nersortariaqarneq aallaavigalugit ingerlatsilluartunut Greenland Tourism Award pingasunut agguarlugu nersornaaseerusuppugut.Piukkunnartorpassuit akornanni nersornaasiinermut ataatsimiititaliaq nalilersuivoq, pingasulli malunnartumik immikkuullaripput. Taamaammat nuannaarutigeqaarput ukua pingasut nersornaasigassatut toqqarsinnaagatsigit, Julia Pars, Visit Greenlandimi pisortaq oqaluttuarpoq.

Ajugaasut

Innovation Award 2018

Nersornaat una tunaartaqarluarluni isumassarsiullaqqilluni nioqqutigisinnaasanik misigisassanillu nutaanik pilersitsisinnaasumut nersornaasiunneqarpoq.

Ajugaasoq tassaavoq: Kalaaliaraq, Inunnguaq Hegelundip ingerlataa

Tunngavilersuut: ‘’Kalaaliaraq, Inunnguaq Hegelundip ingerlataa, neriniartarfiuvoq nunatsinni pissarsiarisinnaasat tunngavigalugit sassaalliisartoq – nerisassioriaatsit nutaat kiisalu kalaallit ileqqutoqaat naapertorlugit nerisassiat sassaalliutigineqartarlutik. Sumiiffimmi niuertunit pissarsiassat atorluarlugit mingussaataannginnissaa eqqarsaatigalugu Gastropubben sassaalliisarpoq, innuttaasut suliassaqarnerunerannik kiisalu nunanit tamaneersunit nersualaarneqarnermik kinguneqartumik.’’

Sustainability Award 2018

Tunngavilersuut: Nersornaat una Kalaallit Nunaanni takornarialerinermik tamatigut akornusiinnginnissamut nalilersuisinnaalluni ingerlataqarnermini pissutsit ukua pingasut aallaavigalugit tunniunneqartarpoq, tassaasut; avatangiisinik, inuiaqatigiinnik kiisalu aningaasaqarnikkut innarliinnginnissaq.

Ajugaasoq tassaavoq: Greenland Outdoors, Jens Pavia Brandtip ingerlataa

Tunngavilersuut: ‘’Greenland Outdoors isumannaallisaaneq, pinngortitap illersornissaanut kiisalu kalaallit pinngortitamik atorluaariaasaat ataqqillugit, maluginiarneqartumik isumannaatsumik ingerlatarpoq. Taakkua sullitatik nunatsinni pinngortitami eqqissisimanartumik puigunaatsumillu misigisaqartittarpaat, mingutsitsinnginnissaq eqqarsaatigalugu motoorilinnik angallateqartaratik angallassinerminnilu namminneq nerisassiarisartakkatik sassaalliutigisarlugit.’’

The Greenland Tourism Award 2018

The Greenland Tourism Award 2018 tassaavoq tunngavigineqartut qulaani allassimasut arlallit pissutigalugit nersornaasiunneqartarami, nersornaatit pingaarnersaat.

Ajugaasoq tassaavoq: Blue Ice Explorer, Jacky Simoudip ingerlataa

Tunngavilersuut: ‘’Ukiorpassuarni Kalaallit Nunaanni takornarialerinerup inerisarneranut malunnaatilimmik tapertaalluartutut kiisalu misigisassarsiorlutik takornariat isumagilluarneri kiisalu mingutsitsinnginnissaq, pitsaassuseq, isumannaallisaaneq sullissilluarnerlu pissutigalugit Blue Ice Explorer nersornaaserneqarpoq. Suliffeqarfiup taassuma alutorsaatigineqarsinnaasut soorlu nallunnerit, pisuttuarnerit, qallunaatsiaat illukuinut kiisalu Kujataani nunaqarfinnut nersutaateqarfinnullu angalanerit aaqqissuulluakkamik isumagisarai – suliffeqarfiup isumagisartagaasa inerisarneranni savaatillit qanimut suleqatigineri malunnaatilimmik iluaqutaalluarsimavoq.’’

Powered by Labrador CMS