Assit takukkit: Sangusaarissani nunatsinni pissartanngorniunnerit
Sangusaarissani nunatsinni pissartanngorniunnerit sapaatip-akunnerani matumani ingerlanneqarput.
Sapaammi naqqiut: Jesper Labansen Kelvin Jessenimit NS-84-imeersumit, allaaserisami matumani siusinnerusukkut ajugaasutut suaarutigineqartumit, sukkanerusimavoq, (aaqq.)
NS-84 aamma Nuuk Ski Club siullermeerlutik sangusaarissani pissartanngorniunnernik Nuummi ingerlanneqartunik aaqqissuussipput.
Tamannalu ingerlalluarsimavoq.
- Silamik iluatsitsivugut. Ullut unammiffiusut ingerlalluarsimapput angusarissaarfiulluarlutik. Ajoqusertoqanngingajassimavorlu, unammiuaarnernut aqutsisoq Ulla Lynge oqaluttuarpoq.
Nangipporlu, ataaseq imaluunniit marluk ajoqusersimasut, ajunngitsulli.
- NS-84 aamma NSC suleqatigiilluarsimapput, tamarmillu unammiuaarnerup anersaavanik pitsaasumik takutitsisimapput.
Sukkanerpaat tassaapput:
Sangusaapiloornermi: Hans L. Lynge NSC-imeersoq angutini 18-20-nik ukiulinni aamma Nuunu Chemnitz Berthelsen NS-84-imeersoq arnani 21-30-nik ukiulinni.
Sangusaarnermi: Jesper Labansen NSC-imeersoq angutini 31-40-nik ukiulinneersoq aamma Nuunu Chemnitz Berthelsen NS-84-imeersoq arnani 21-30-nik ukiulinni.
NS-84-ip aamma og Nuuk Ski Club-ip pissartanngorniunnernut peqataasimasut namminerlu kajumissutsimik ikiuussimasut tamaasa qutsavigaat. Ulla Lynge paasissutissiivoq, NS-84 aamma NSC arfininngornermi unnukkut naggataarnersiussasut.
Angusat tamasa Facebookimi quppernermi takukkit: GM Alpin 2023.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...