Assit takukkit: Qalissiat anorersuarmit tigitaasut
Nuummi ulluni kingullerni anorleqattaarpoq, anorersuarneranilu inissiat qalissiaat ilaat tigitaapput igalaallu ilaat aserorlutik. Inissiani aseruatiternerit INI A/S-imit maanna iluarsaanneqalereerput.
OBS: Allaaserisaq tallimanngornermi nalunaaqutaq 10.00 allanngortinneqarpoq, ersarissarneqarluni qalissiat tigissimasut inissianit INI A/S-ip allaffissuussaaneersuunngitsuusut.
Nuummi ulluni kingullerni anorlertaqattaarnerani aseruatitersimasut INI A/S-ip maanna iluarsaatileruttorpai.
Nuup illoqarfiata immikkoortortaani Nuussuarmi inissiat qalissiaat sapaatiummat anorlernerani kaanngarpoq.
- Ajoqusernerit annertussusaat pissutigalugu inissiigallarnissaq pisariaqarsimanngilaq. Ajoqusernerit attartortumit Matu Security-mut nalunaarutigineqarniariarmata iliuusissat aallartinneqareerput , INI A/S-imit ilisimatitsissutigineqarpoq.
- Qalissiat igalaallu ajoqusersimasut suliaritinniarlugit sanasunut suliakkiutigineqareerput. Igalaat taarserneqartussat kingusinnerpaamik aqagu taarserneqassapput.
Pigisanik aseruatitertoqarnera qanoq akisutigissanersoq maanna INI A/S-imit nalilersorneqarsinnaanngikkallarpoq.
Ukiut tamaasa misissuisartut
INI A/S ilisimatitsivoq inissiat qalissiarsui ukiumut ataasiarlugit misissorneqartartut. Ajoqusertoqarsimatilluguli ajoqusertut pisariaqartitsineq malillugu suliarineqartartut.
Nuussuarmi adressemiittut qalissiat anorimit tiginneqarsimasut INI A/S-imit misissorneqareerput, INI A/S-illu nalunaarutigaa qalissiat tigittut inissianit INI A/S-ip allaffissuussaaneersuunngitsut.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...