Assit takukkit: Nuutoqqami akunnittarfik akisooq

Aningaasaatilissuaq Malaysiameersoq Kalaallit Nunaata oqaluttuassartaata qiterpiaani akunnittarfimmik akisuumik inissiiniartoq suliniummut tunngatillugu nassuiaasiorsimavoq, tassani suliniutip nassuiaataa aallarnerlugu oqaasertaliunneqarsimavoq ”ilitsoqqussat nutaaliallu akornanni aamma nunap immallu akornanni” atassusiiniartoqarsimasoq.

- Sanaartorfiup asseqanngitsup ilusia pingasunik teqeqqulik aamma imaanut kusanarluinnartumik isikkivilik akunittarfiup pilersaarusiorneqarnerani piumasaqaatitaqarsimavoq, akunnittarfiliassaq Kalaallit Nunaanni siullersaalluni pingasunik teqeqqulittut suliarineqassaaq, suliniummut aningaasaliissuteqartut allapput.

Akunnittarfiup ilaatut saqisaartarfik, akunnittarfiup neriniartarfiata silataani aasakut sassaallerfigisartagassaanut atasoq kikkunnit tamanit atorneqarsinnaasoq pilersinneqassaaq.

- Kikkunnit tamanit orninneqarsinnaasoq taanna imaanut qanittumi assigiinngitsutigut sammisaqartitsinermi atorneqarsinnaassaaq, taamalu Nuutoqqami nutaamik ornigartarfittaartoqarluni, taamatut nassuiaasiortoqarpoq.

Akunnittarfik 94-inik initaqassaaq, taakkunannga 14-it akimarpasissut 30 aamma 38 kvadratmeterit akornanni angitigisut. Akunnittarfiup naqqani neriniartarfeqassaaq, 2. salimi timigissartarfeqarlunilu uffarfeqassaaq (spa), 3. salimi imerniartarfeqarlunilu eqqissisimaartarfeqassaaq. Sammisassaqarfiit taaneqartut illorsuup teqeqqorpiaaniissapput, 270 gradimik isikkiveqartumi.

Sanaartugassap isikkussaanut umiap umiatsialluunniit nuui isumassarsiorfiusimapput, akunnittarfiliassatut siunnersuummi erseqqissaatigineqarpoq.

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...