Assit takukkit: Nuup ilisarnaataata qulaani katittut

Ciga Rydbjerg aamma Gert Rydbjerg Sermitsiap qaavani ippassaq sisamanngornermi katipput.

Katinnissartik sivisuumik pilersaarusiorsimavaat, tassami oqaluffimmi katikkusussimanngillat.

- Allat assigalugit oqaluffimmi katikkusunnikuunnginnatta periarfissanik ujaasinikuuvugut, taava Sermitsiami katissinnaanissatsinnut periarfissaqariaratta Sermitsiami katippugut. Marluulluta ittuutulaartuuvugut, eqqissisimasumik katinnissarput pingaartissimallugu, Ciga Rydbjerg oqaluttuarpoq.

Pilersaarutaat allanngulaarnikuuvoq, tassami arfininngorpat aatsaat katittussaagaluarput, silali pissutaalluni sisamanngornermi katillutik.

Qulimiguulimmik Sermitsialiaanneqarput, Nuup Mittarfianut uteramik tikilluaqquneqarlutik.

- Misigisaq nuanneqaaq, nipaannerpaamiilluta katippugut puigunngisaannagassatsinnik. Tikikkiartorluta ilagut aamma ilaquttagut utaqqerrapput ilassiorpagullu. Nuan!, Sermitsiaq.AG-mut oqarput.

Katillugit katinnermi peqataapput inuit tallimat, qulimiguulimmi piloti katitsitisuulluni. Arfininngorpat katinnertik malunnartissavaat.

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...