Assit takukkit: Nuummiut halvmaratonerlutik ullumi arpapput
Arpattut 80-it Nuummi ullumi halvmaratonerput. Amerlanerit takissutsimut kisimiillutik arpapput, ilaalli iligiiaallutik takissuseq avillugu arpallutik. Takissuseq 21,1 kilometer sivikinnerpaamik 1 time 21 minutsillu arpanneqarpoq.
Nuummi arpattartut qiimaqalutik arfininngornermi ullaap tungaani halvamaratonerlutik arpapput.
Sila anoreqarani qulit missaannik kiattoq, Qeqertaniit arpanneq aallartippoq.
Qeqertaniit, Nuup illoqarfimmi immikkoortua Qinngorput kaajallallugu, aammaarlugulu kaajallaaqqilluni 21,1 kilometer arpanneqarpoq.
Angutit 43-it arnallu 23-it halvmaratonimut peqataapput. Iligiiaat arfineq-marluusut, tamarmik ataasiarlutik 10,5 kilometer arpappaat.
Arpanneq nal. qulinut aallartippoq. Angutini Mads Christensen siulliulluni tikiuttuuvoq, 1 tiimi, 21 minutsit 18 sekundilu atorlugit halvmaraton arpallugu. Arnani Anne Marie Geisler Andersen siulliulluni tikiuppoq, 1 tiimi, 40 minutsit 19 sekundilu arpareerluni.
Allaaserisap qulaani assit takusinnaavatit.
Assit amerlanerusut takorusukkukkit Nuuk Halvmaraton 2022-p Facebookimi quppernerani assit aamma takusinnaavatit.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...