Assit takukkit: Nuummi pisiniangaatsiartoqarpoq
Naalakkersuisut siulittaasuata ullumi tusagassiortunik katersortitsinermini oqaatigigaluaraa uippallertoqassanngitsoq, taamaattoq innuttaasut Nuummi niuerrapput.
Nuuk ullumi nalunaaqutaq 16.00 matusussanngorpoq.
Tamanna isumaqarpoq meeqqeriviit, atuarfiit, kommunip allaffii, Nuuk Center allarpassuillu matussasut, sapaatit akunnernilu pingasuugallartuni matoqqatinneqassallutik.
Tamatumunnga pissutaavoq illoqarfimmi coronavirusimik tunillatsissimasoq alla siumorneqarsimammat. Coronavirusimik tunillatsissimasoq nunami allamiinnermini Nuummiinnerminiluunniit tunillatsissimanersoq suli qulakkeerneqanngilaq.
Niuertarfiit nerisassanik niuerfiusut suli ammatinneqassasut, naalakkersuisut siulittaasuata tusagassiortunik katersortitsinermini ilisimatitsissutigaa.
- Uippallissanngilagut. Nerisassanik pisiassaqarluarpugut, oqarpoq.
Taamaakkaluartoq niuertarfiit inunnik ulikkaarput, brugsenimilu illoqarfiup qeqqaniittumi pisiniat akiliiniarlutik tulleriiaartut amerlapput.
Assit takukkit.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...