Assit takukkit: Najaaja Lyberth Timersullammattut toqqarneqarpoq
Assammik arsartartoq aamma arsaattartoq Najaaja Lyberth Maligassiuisut Show-imi Timersullammattut toqqarneqarpoq
Najaaja Lyberth Maligassiuisut Show-eqarnerani nersornaaseneqarpoq.
Tassami Timersullammattut toqqarneqarpoq.
- Najaaja Lyberth ukiorpanngortuni Kalaallit-Nunaanni timersornerup iluani maligassiusiuuvoq ingammik assammik isikkamillu arsarnerit iluini. Ukiuni arlalissuarni qasusuilluni sungiusarnermik pimoorussisimanera timersornermullu tunniusimanera imminut 2019´mi akilerpoq angusarissaarluni aallartimmat. Nunatta assammik arsartartui, Najaaja kinaassiligaatut taaneqarsinnaasut, ukiut arlalialuit matuma siorna makeqqinnerminniik aatsaat taama angusarissaartigipput, Amerikap Nunavittaani bronzenakkamik. Amerikap Nunavittaani 2019´mi angusarissaarnermik saniatigut Najaaja ukiuni qulini malittuinnarmik GSS´mi assammik arsarnermi GM´mimi pissartanngoqataanikuuvoq. Angusat taakku siornatigut kimilluunniit anguneqarnikuunngillat. Taakkua saniatigut Najaajap GSS´mi arsaqatinilu silami isikkamik arsaannermi ukioq manna aamma pissartanngorput, toqqagaaneranut tunngavilerneqarpoq.
Najaaja Lyberth assammik arsarnermi GSS peqatigalugu nunatsinni pissartanngorpoq, assammik arsarnermi nunanut allanut unammisartut VM-imut anngunniunnermi bronzinnaqataavoq kiisalu aasaq arnat isikkamik arsaallutik pissartanngorniunneranni pissartanngoqataalluni.
Toqqarneqartut allat:
Ukioq manna aqutsisuullammak: Mogens Nathansen
Ukioq manna sungiusaasuullammak: Arctic Sport Ikerasammi sungiusaasut
Ukiup iligiivi: Sulorartartut nunanut allanut unammisartut Island Games 2019
Ataatsimoortitsilluarnerpaaq: TTC12