Skip to main content

Assit takukkit: Kujataani avatangiisit mingutsinneqarsinnaanerat pinngitsoortinneqartoq

Iluliaq Seafoodip ningittagarsuutaanit ajunaarnikumit, Narlunermit, orsussaq tamakkerlugu peerneqarsimavoq

Aqqartartuutileqatigiiffiup Masiup ningittagarsuut Narluneq ulluni kingullerni orsussaajarlugu imaarsimavaa. Taamaalilluni Kujataani avatangiisit mingutsinneqarsinnaanerat pinngitsoortinneqarpoq oqartussallu eqqissiallassinnaanngorput.

Angallatip ajunaarnikup orsussai avatangiisinut mingutsitsisinnaasut piiarniarneqarnerat piffissaq silarluttarneralu pissutaallutik unammillernarsimavoq.

Upalungaarsimasut pisortaata Peter-Erik Thomsenip Sermitsiaq.AG-mut siusinnerusukkut ilisimatitsissutigisimavaa angallat dieselimik 30.00 liiterimik, hydraulikoliemik 6000 liiterimik motoorillu uuliaanik 300 liiterimik usisimasoq.

Avatangiisinut tunngasutigut oqartussanut pingaaruteqarsimavoq, orsussap anngallammit piiaarneqarnissaa, tassa angallat dieselimik annertuumik aniatitsilissagaluarpat avatangiisit ajoquserneqarsinnaanerat pissutigalugu. Angallammit diesel annikitsuinnaq aniasimavoqt.

Arfininngornermi septembarip 14-iani ajutoortoqarmat kujataani upalungaarsimasut angallat kaajallallugu puttasunik assersorsimavaat.

Naalakkersuisoqarfimmit Iluliaq Seafood A/S, Kim Høegh-Damimit pigineqartoq peqquneqarsimavoq, angallatip qanoq ililluni nunamukaanneqarsinnaaneranut pilersaarusioqqullugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER