Skip to main content

Assit takukkit: Kalaallit atuakkiaat Tysklandimi saqqummiunneqaqqammertut

Kalaallit atuakkanik saqqummersitsisartut tallimat atuakkanik saqqummeeqatigiinnersuarmi Frankfurtimi Tysklandimiittumi ingerlanneqartumi peqataapput.

Kalaallit atuakkanik saqqummersitsisartut tallimat Frankfurtimi Tysklandimiittumi atuakkanik saqqummeeqatigiinnersuarmut peqataammata kalaallit atuakkiaannik soqutiginnittoqangaatsiarpoq. Kalaallit Atuakkiortut tusagassiutinut nalunaaruteqarlutik taama allapput.

Kalaallit atuakkanik saqqummersitsisartut, GreenLit, peqatigiiffiup Kalaallit Atuakkiortut suliniutaat nutaaq, aqqutigalugu periarfissinneqarsimapput, peqatigiiffik Kalaallit Atuakkiortut ilisimatitsivoq.

Soqutiginnittoqangaatsiartoq

Atuakkiortoq Sørine Steenholdt aaqqissuisorlu Julie Kondrup atuakkanik saqqummeeqatigiinnermi peqataapput.

- Kalaallit atuakkiaat pillugit soqutiginnittoqaqaaq.
Nunani allani atuakkanik saqqummersitsisartunit katillugit 16-iusunit saaffigineqarpugut, atuakkiortoq Sørine Steenholdt oqaluttuarpoq.

Atuakkanik saqqummersitsiviup Milik Publishingip atuakkat nutserneqartut naalisarnerannik atuakkanik saqqummersitsiviit nunanit allaneersut arlallit nassereersimagai, Kalaallit Atuakkiortut peqatigiiffiat paasissutissiivoq. 

Atuakkanillu saqqummersitsiviit mikinerusut Kalallit Atuakkiortunit GreenLitimiillu atuakkanik nutserneqarsimasunik eqikkakkanik saqqummersitsivinnut nassiussuinissaanut ikiorneqassapput.

Periarfissangaatsiaq

Sørine Steenholdtip atuakkanik saqqummeeqatigiinnermi peqataanermini paasivaa oqaatsit allat atorlugit atuakkanik saqqummersitsinissamut periarfissaqarluartoq.

- Asuliinnaanngitsoq taamatut atuakkanik saqqummeeqatigiinnersuit
nunarsuarmi Frankfurtimi pisoq anginersaavoq. Atuagaq tyskisut nutsertillugu saqqummiunneqarpat, nunarsuarmi nunarpassuarnut ammaanneqartarpoq, Sørine Steenholdt oqarpoq.

Niviaq Korneliussenip atuakkiaa “Homo Sapienne” tyskisut nutserlugu saqqummersinneqarnikuuvoq, taassumalu kingorna oqaatsinut katillugu qulingiluanut nutserneqarluni saqqummersinneqarnikuulluni, peqatigiiffik Kalaallit Atuakkiortut tusagassiutinut nalunaarummini allappoq.

GreenLit aappaagu 2019-imi nunani allani atuakkanik saqqummersitseqatigiinnersuarnut marlunnut peqataassaaq. Siullermik Londonimi, Englandimiittumi, marsip qiteqqunnerani, kingusinnerusukkullu meeqqanut atuakkiat pillugit saqqummersitseqatigiinnersuarmut Bolognami Italiamiittumi apriilimi peqataassalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER