Assit takukkit: Kalaaliaqqami kaffellerneq
Nuummi illoqarfiup nutaannginnersaaniittoq Kalaaliaraq pisortatigoortumik ammaanersiorneqarmat innuttaasut kaffellerfigineqarput.
Kalaaliaraq pisortatigoortumik ammaanersiorneqarmat Nuummi innuttaasut tikilluaqquneqarput.
Kapisillit pujuukkat, eqaluit aamma puisip neqaa tuniniarneqarlualereerput. Kalaaliararmi sapaatip akunneri siuliini ammareersimavoq.
Kalaaliararli pisortatigoortumik ullumi ammaanersiorneqarpoq. Tamannalu kaffelliutigineqarluni.
- Eqqaamavara meeraagallarama maanaqquuttarnikuusugut, Kalaaliaqqamut pisiniarluta. Taamaammat nuannaarutigivara Kalaaliaraq maanna ammaqqissinnaanngormat, Charlotte Ludvigsen, Kommuneqarfik Sermersuumi borgmesteri, oqalugiarnermini oqarpoq.
- Aalisarneq piniarnerlu aqqutigalugit tassani suliffissaqartitsisuusoq ukiorpassuarni misilittagarineqarpoq aammali nerisassaqartitsisuulluni. Tamannalu attattuassallugulu isumassarsiorfigisassavarput, taamaaliornitsigummi qangamut siunissamullu ataqatigiissitsisuunera qularinngilara tamatta iluaqutigissagipput, oqarpoq.
Kalaaliaraq pillugu ataatsimiititaliami siulittaasoq, Anthon Mathæussen, aamma oqalugiarpoq:
- Kalaaliaqqap matoqqasimanera aningaasaqarnikkut uagutsinnut akisusimaqaaq. Maannalu nuannaarpugut ammaqqissinnaalermat. Ammaqqinnerani tamassi pilluaritsi, Kalaaliaqqamillu atuilluarisi, oqarpoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...