Assit takukkit: Ittu.net Cupimi ajugaasut aajuku

Assammik arsarluni arnat inersimasut unammiuaarnerat Ittu.net Cup 2018 ulluni pingasuni aallarniutaasumik ingerlanneqareerluni sapaammi inissinniuunnerit ingerlanneqarput.

Inissinniuulluni unamminerit eqikkarneqarnerat atuakkit:

Bronzinnanniunneq B-række NÛK dameynglinge – Fitness Håndbold:

NÛK inuusuttai aallartilluariarlutik unittuupajaarput, taamaasilluni Fitness Håndbold malinnaalersinnaalerluni. 10 min. ingerlareersut 6-2 NÛK-mut. 20 min. ingerlareersut 8-5. Muminnermi 11-8 NÛK-mut.

Mumereernermi Fitness Håndbold aallartilluarpoq, minutsit qulit ingerlareersut unammisut naligiilerput, 12-12. Tassanngaaniilli NÛK inuusuttai arpallutik aallartipput unamminermilu siuaqqillutik, minutsit 20-it ingereersut 20-14 siuarlutik.

Unamminermi NÛK dameynglinge ajugaavoq 26-17, taammaasilluni ukioq manna Ittu.Net Cup 2018-imi B-række bronzinnalluni.

NÛK-mi arsarluaqaaq Aviana Kâjangmat, Fitness Håndbold-imilu Arnaalunnguaq Mørch arsarluarpoq.

Bronzinnanniunneq A-række Simanu – GSS herreungdom:

Unammineq aallartipput naligiiffioqisumik, imminnut unammilluaqaat. Aatsaat 20 minutsit ingerlareersut angutit inuusuttut siuarluarput, taamaasillutillu immikkoortoq siulleq 19-14 ajugaaffigalugu.

Simanu immikkoortup aappaani qanilleqqikkaluarput, kisiannili angutit inuusuttut nukissaqarnerummata ajornartorsiutiginagu unammineq naammassivaat, ajugaallutillu, 39-28.

Finale B-række GSS dameynglinge – SAK dameynglinge:

Ukioq manna Ittu.Net Cup 2018-imi B-finale ingerlanneqarpoq arnani inuusuttuni piukkunnaateqarluartuni peqataaffigineqartumik GSS aamma SAK unammipput. Taakku unamminermi siullermi naligiipput, taamaattumik naatsorsuutigisamik unammineq pissangartumik ingerlavoq. Unammineq naallugu imminnut angusaqattaapput, taamaasilluni unamminermi immikkoortoq siulleq naammassivoq 10-10.

Unamminerup immikkoortup aappaani suli pissanganarnerullutik ingerlapput, naak GSS naammassilernermi marlunnik kinguaqqagaluartut ataasiinnarmik kinguaqqalermata unammineq pissanganarseqqikkaluartoq, SAK ajugaavoq 23-22. Taamaasillunilu Ittu.Net Cup 2018-imi B-rækkemi pissartanngorlumi. Unamminermi arsarluarnerpaatut toqqarneqarpoq Tanja Kristiansen, SAK.

Finale A-række GSS – NÛK:

Unammineq aallartiinnartorlu GSS piareersimanerusoq malunnarpoq. Forsvar aalassarippoq illersuinissamullu sukataarnerulluni. Sukkasuumik saassusseriaseqarpoq periuuseqarlunilu. NÛK aatsaat minutsit 15 qaangiummata isertitaat siulleq isertinneqarpoq, unamminermilu immikkoortoq siulleq GSS 21-4 ajugaavaat. Unamminermi immikkoortup aappaa aamma taamatoqqinnaaq ingerlavoq, taamaasilluni GSS unamminermi ajornartorsiunngiivilluni ajugaalluni 43-10. GSS Ittu.Net Cup 2018 A-rækkemi pissartanngorpoq. Unamminermi arsarluarnerpaatut toqqarneqarpoq Andrea Andreasen Karlsen, GSS.

- GSS assammik arsarnermut immikkoortortaqarfiata peqataasut, aningaasaliisut isiginnaariallu qutsaviginiarpai. Minnerunngitsimillu kajumissutsiminnik ikiuuttorpassuit aamma qutsivigalugit, aaqqissuisut taama oqariartuuteqarput.

Isertitaqarnerpaat tallimat allattorsimaffiat, A-række:

1. Najaaja Anja Lyberth, GSS, 32 mål
2. Ivaana Meincke, SIMANU, 22 mål
3. Lykke Frank Hansen, GSS, 21 mål
4. Christina V. Lange, NÛK, 20 mål
5. Panu P. Grønvold, GSS, 19 mål

Isertitaqarnerpaat tallimat allattorsimaffiat, B-række:

1. Nivi J. Petersen, GSS Ynglinge, 40 mål
2. Aviaana Kajangmat, NÛK Ynglinge, 36 mål
3. Ivaana O. Rasmussen, SAK Ynglinge, 29 mål
4. Nukaaka P. Lyberth, NÛK Ynglinge, 28 mål
5. Tanja Kristiansen, SAK Ynglinge, 21 mål