Assit takukkit: Inuit hunnorujulikkaat Ida Heinrich eqqaaniarpaat
Nuummi innuttaasorpassuit Ida Heinrichip tallimanngornermi Nuup qeqqani eqqaaniarneqarneranut aggerput.
Annonce
Nuummi innuttaasut hunnorujulikkaat, ippassaq tallimanngornermi Amisuni illoqarfiup qeqqani katersuupput, operarluni erinarsortartoq inunnit nuannarineqartoq Ida Heinrich eqqaaniarlugu. Taanna sivisuumik kræfteqarluni napparsimareerluni toquvoq.
Eqqaaniaanermut aggertorpassuit tussiutinik erinarsorput aamma naneruutinik ikitsipput. Sermitsiaq.AG-mi assiliisoq Leiff Josefsen eqqaaniaanermi assiliivoq.
Illoqarfinni allani aamma eqqaaniaaqatigiinnernik aaqqissuisoqarpoq, ilaatigut Qaqortumi Annaassisitta Oqaluffiata eqqaani pivoq.