Assit takukkit: InterForcep immikkoortortaqarfissaa illersornissamut ministerimit ammaqarneqarpoq
Nammineq kajumissutsimik sulinissamut sulinermi Nunatsinni InterForcemit suleqataaffigineqassaaq. Sakkutuummi suliaannut oqilisaaqataassaaq
InterForce Grønlandip Nuummi immikkoortortaqarfissaa, Issittumi Sakkutuut allaffeqarfianni inissimasussaq, maanna ammarneqarpoq.
Illersornissamut ministeri Trine Bramsen (Soc.) InterForcep Nunatsinni immikkoortortaqarfissaanik ammaasuuvoq, tamanna ullumi sisamanngornermi pivoq.
Sakkutuut pisariaqartitsipput
- Kalaallit Nunaanni immikkoortortaqarfiup ammarneqarnera pingaaruteqarpoq. Sakkutuummi inuiaqatigiinnit suliffeqarfinniillu kaammattorneqarnissamik pisariaqartitsipput, pisariaqartitsinerallu annertusiartorpoq. Siooranartut ukiuni kingullerni amerliartorput, taamaattumik InterForce sakkutuunut kaammattuinissamut suleqataalluinnassaaq, ammaanermi illersornissamut ministeri ilaatigut oqarpoq.
Issittup Sakkutuuisa sulinerminnut atatillugu innuttaasunik suleqateqarnertik annertusartussaavaat, taamaattuk InterForce Grønland pingaarutilimmik inissisimasuussaaq.
Kajumissutsimik sulineq
Upalungaarsimanermut sulinermut atatillugu InterForce Grønland kajumissutsimik suliaqarusuttunut suliffeqarfiillu suleqataarusuttunut pingaarutilimmik inissisimassaaq.
Liv Inuk Oldenburg Lynge sakkutuunit ataqatigiissaarisussatut inissinneqarnikuuvoq, Issittup Sakkuttuuisa Nuummi allaffeqarfianni allaffeqassalluni.
