Assit takukkit: Ileqqorisat malillugit juullip inua meeqqanut ilassiorpoq
Juullip inua meeqqanut ilaqutariinnullu Nuummi sumiiffinni assigiinngitsuni ilassiorpoq. Ukioq manna juullip inua helikoptererluni Nuummi angalaappoq. Ukiormi kingulleq qatserisartut biiliinik ilaalluni angalaarpoq.
Juullip inua meeqqanut ilaqutariinnullu ilassiussalluni Nuummi ullumi ulapaarpoq. Taanna illoqarfiup iluani sumiiffinnut assigiinngitsunukaqattaarpoq. Juullip Inuata ikiortai, nissiaqqat, meeqqanut mamakujuttunik agguaasuupput.
Covid-19 sioqqullugu juullip inua Dronning Ingrid-ip Napparsimavissuata silataanut helikopterimik kisiat tikittaraluarpoq. Maannalu illoqarfimmi sumiiffinnut assigiinngitsunut takkuttalerpoq. Ukioq manna juullip inua qanillilluarneqarsinnaavoq, ukiormi kingulleq maleruaqqusat pillugit ataasiakkaarluni juullip inua ilassiorneqarsinnaavoq.
Juullip Inuata angalaarnera Sermitsiaq.AG-ip assiliisuanit malinnaaffigineqarpoq. Assilisai qulaani allaaserisami takuneqarsinnaapput.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...