Assit takukkit: Eqqumiitsuliortunut marlunnut kulturikkut nersornaat aamma kajumissaat

Inuiattut ullorsiornitsinnut atatillugu Naalakkersuisut kulturikkut nersornaammi aamma kajumissaammik Ida Heinrichimut aamma Marc Fussing Rosbachimut tunniussipput.

Naalakkersuisut kulturikkut nersornaasiuttagaannit aamma kajumissaataannit Katuami tunniussinermi assit takukkit - Leiff Josefsen
Naalakkersuisut kulturikkut nersornaasiuttagaannit aamma kajumissaataannit Katuami tunniussinermi assit takukkit - Leiff Josefsen
Naalakkersuisut kulturikkut nersornaasiuttagaannit aamma kajumissaataannit Katuami tunniussinermi assit takukkit - Leiff Josefsen
Naalakkersuisut kulturikkut nersornaasiuttagaannit aamma kajumissaataannit Katuami tunniussinermi assit takukkit - Leiff Josefsen
Naalakkersuisut kulturikkut nersornaasiuttagaannit aamma kajumissaataannit Katuami tunniussinermi assit takukkit - Leiff Josefsen
Naalakkersuisut kulturikkut nersornaasiuttagaannit aamma kajumissaataannit Katuami tunniussinermi assit takukkit - Leiff Josefsen

Ilinniartitaanermut, Kultureqarnermut, Ilageeqarnermut Nunanullu Allanut Naalakkersuisoq, Vivian Motzfeldt (S), ullumi kulturikkut nersornaat operamik erinarsortartumut Ida Heinrichimut tunniussivoq, filmiliortartumullu Marc Fussing Rosbachimut Naalakkersuisut kajumissaatitut nersornaasiuttagaat tunniunneqarluni.

- Klassiskimik ilinniagaqarnini tunuliaqutigalugu nunatsinni erinarsornikkut kulturitta nutarteriffigineqarnera ineriartortinneqarneralu peqataaffigisimavaa. Inuit amerlasuut erinarsornermigut tuppallersarlugillu qiimmassartarpai. Tamatsinnullu ersarippoq erinarsorneq inuunermini ilisarnaataasa ilagilluinnaraat. Amerlasuunut maligassiuisuuvoq nunatsinnilu inuianni klassiskiusumik nipilersoriaatsimi sallersaalluni, Vivian Motzfeldt, Ida Heinrich pillugu ilaatigut taama oqarpoq.

Filmi takorluukkanik imaqartoq siullerpaaq

Marc Fussing Rosbach pillugu Vivian Motzfeldt ilaatigut oqarpoq:

- 2017-imi nunatsinni filmi takorluukkanik imaqartoq siullerpaaq ”Akornatsinniittut – Tarratta nunaanni”-mik qulequtalik saqqummersippaa. Filmi namminiinnangajak suliarisani, manuskriptiliorlugu, ilitsersuisuuffigalugu, peqataaffigalugu, nipilersuusiorlugu, killorlugu tigussaasunillu misigisassanik immerlugu suliarisani. Takusassiisarnermi annertuumik piginnaaneqarpoq, aammalu teknikkimut tunngasuni assilissallu qanoq atornissaannut paasisimasaqarluarluni.

Marc Fussing Rosbachip angalanini pissutigalugu najuusinnaanngimmat kajumissaatitut nersornaasiut anaanaata ernini sinnerlugu tiguaa.

Ukiut tamaasa tunniunneqartartoq

Naalakkersuisut Kulturikkut Nersornaat 1982-imi pilersippaat. Nersornaat 50.000 kr-nik aningaasartaqartoq inummut ataatsimut arlalinnulluunniit, peqatigiiffinnut kattuffinnulluunniit eqqumiitsuliornikkut kulturilerinikkulluunniit immikkut suliniuteqarsimasunut tunniunneqartarpoq. Nersornaat ukiut tamaasa Inuiattut Ullorsiornitsinni juunip 21-ani tunniunneqartarpoq. Naalakkersuisut kajumissaatitut nersornaasiuttagaat 10.000 kr-nik aningaasartaqartoq 2016-mi pilersinneqarpoq. Taannalu inuusuttumut piginnaasalimmut Kulturikkut Nersornaasiisoqarnerani aamma tunniunneqartarpoq.

Powered by Labrador CMS