Assit takukkit: Conan O'Brien Nuummiippoq

Quujasaarisartoq USA-milu namminerisaminik aallakaatitassiaqartartoq Conan O'Brien maanna Nuummiippoq. Quujasaarilluni aallakaatitsinermini ataasinngormat oqarpoq Kalaallit Nunaannukassalluni nunap pisiarinissaanut isumaqatiginnikkiartorluni.

Conan O'Brien tager sig tid til de lokale under sit besøg. Han skal blandt andet mødes med politikere og en ejendomsmægler, hvor han angiveligt vil forhandle sig frem til et køb af Grønland. - Leiff Josefsen
Conan O'Brien tager sig tid til de lokale under sit besøg. Han skal blandt andet mødes med politikere og en ejendomsmægler, hvor han angiveligt vil forhandle sig frem til et køb af Grønland. - Leiff Josefsen
Conan O'Brien tager sig tid til de lokale under sit besøg. Han skal blandt andet mødes med politikere og en ejendomsmægler, hvor han angiveligt vil forhandle sig frem til et køb af Grønland. - Leiff Josefsen
Conan O'Brien tager sig tid til de lokale under sit besøg. Han skal blandt andet mødes med politikere og en ejendomsmægler, hvor han angiveligt vil forhandle sig frem til et køb af Grønland. - Leiff Josefsen
Conan O'Brien tager sig tid til de lokale under sit besøg. Han skal blandt andet mødes med politikere og en ejendomsmægler, hvor han angiveligt vil forhandle sig frem til et køb af Grønland. - Leiff Josefsen

Amerikamiu quujasaarisartoq aallakaatitassiamilu Late Night Showimi aallakaatitsisartoq Conan O’Brien Nuummiippoq.

Ippassaq ullaap tungaani Nuummut tikippoq, ullumilu arlalinnik oqaloqateqassalluni.

Inatsisartunut ilaasortat marluk ullumi ullo’qeqqanut naapissavai.

Taakku saniatigut inissianik illunillu nammineq pigisanik tuniniaasartoq naapissavaa, nunatsinni nunamik pigisinnaasaminik pisinissani siunertaralugu.

Trumpip piserusunnera

USA-p præsidentia, Donald Trump, sapaatip akunnerata siulisani nalunaaruteqarpoq Kalaallit Nunaat Danmarkimiit pisiarerusullugu. Naalakkersuisut siulittaasuata Kim Kielsenip ministeriunerullu Mette Frederiksenip pisiumaneq ersarilluinnartumik itigartikkaluaraat, taamaattoq Conan O’Brien aallakaatitsinermini ataasinngormat oqarpoq pisinissamut isumaqatiginninniassalluni Kalaallit Nunaannukarniarluni. Isumaqatiginninniarnera soorunami quujasaarnertut isigineqartariaqarpoq.

Nunatsinnut filmiliortartuni ilagalugit maanna tikereerpoq, aallakaatitassiarlu “Conan Without Border” Netflix-imi isiginnaagassianik aallerfiusinnaasumi ilaatigut aallakaatinneqartartoq maanna suliarileruttorlugu. Kalaallit Nunaat pillugu aallakaatitassiaq amerikamiut TV-atigut TBS-ikkut septemberip pingajuani aallakaatinneqassaaq, aallakaatitassiarli Netfliximiilissanersoq suli nalunaaruteqartoqanngilaq.

Naapitassanili isumaqatigiissuteqarfigisani pitinnagit quujasaarisartoq Nuummi illoqarfiup qeqqani pisuttuaqqaarallarpoq inunnik naapitsiniaalluni, pisiniarfiillu ilai alakkarlugit.

Angalanermi ataqatigiissaarisut ilaat, Rasmus Petersen, naapertorlugu, Conan O’Brien KNR-imi silassamik aamma immiussissaaq.

Ilulissat aamma tikeraarneqassaaq

Ilulissani innuttaasut quujasaarisartumik amerikameersumik naapitsinissaminnut aqagu aamma periarfissaqassapput. Conan O’Brien akunnerni pingasuni Ilulissaniissaaq, taassumalu kingorna Kangerlussuarmut ingerlaqqissalluni, angerlarsimaffimminullu Los Angelesimut aallassalluni.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS