futsal GM
Assit takukkit: B-67 tupaallannartumik ajorsarpoq
B-67 Nuummeersoq Maniitsumi angusarissaarluarsimavoq, kuultinnannissaanillu ilimagineqarnersaasimalluni. Taavali Qeqertarsuarmiut unammivaa...
Tallimanngormat unnukkut B-67 G-44-lu unammipput. Minutsit 12-t ingerlareersut B-67 0-1-imik siuarnpoq, sukkasuumilli G-44 angusivoq aammalu 2-1-imut isertitsilluni, muminnermilu taamatut inissisimapput.
Qeqertarsuarmiut arsarluarnertik unamminerup immikkoortuata aappaani nangippaat isertitseriaqattaartuarlutillu. Unamminerup immikkoortuata aappaani minutsit qulit ingerlariiginnartut G-44 5-3-mik siuarpoq.
B-67-ili tunniutiinnarumanngilluinnarpoq. Periusertik allanngortippaat; målmandi anisillugu avataani unammisartumik taarsernaat arsarlu tigumminerujussuanngorlugu.
B-67-ili anngutinngitsoorpoq. G-44 5-4-mik ajugaavoq.
– B-67 silami arsaattarnermit ilisimavarput pikkunartumillu unammisarsimaqaagut. Piginnaasaat nalunngilagut. Pilersaarutigisimavarput tunuarsimakanneriarluta periarfissaqaleraangat sukkasuumik saassussisassalluta, Steve Broberg, G-44-imi unammisartuutigaluni sungiusaasoq, oqaluttuarpoq.
– Unamminissamut piareersarluarsimavugut, taamaattumik ajugaanerput nuannaarutigaarput.
G-44-p ullumi, arfininngornermi, kvartfinalimi SAK Sisimiuneersoq unammissavaa, B-67-illu KT-85 Kangaamiuneersoq unammissallugu.
Arfininngornermi kvartfinalit:
11.00 N-48 Ilulissat - Malamuk Uummannaq
12.00 Kâgssagssuk Maniitsoq - K-33 Qaqortoq
13.00 B-67 Nuuk - KT-85 Kangaamiut
14.00 SAK Sisimiut - G-44 Qeqertarsuaq
Ajornikut:
15.00 K-64 Kuummiut - GSS Nuuk
16.00 Eqaluk-54 Tasiusaq - T-41 Aasiaat