Assit takukkit: Arnat utoqqasaat futsalimik pissartanngorniunnerini Nagtoralik pissartanngorpoq
Sapaatip akunnerata siuliani arnat utoqqasaat siullerpaamik futsalimik nunatsinni pissartanngorniunnerat Nuummi ingerlanneqarpoq. Tassani Nagtoralik Paamiuneersoq pissartanngorpoq
Arnat utoqqasaat siullerpaamik pisortatingoortumik futsalerlutik pissartanngorniunnerat sisamanngornermiit arfininngorneq ilanngullugu ingerlanneqarpoq.
Aaqqissuisut paasissutissiaraa, unammersuarnermi naligiittoqangaatsiarsimasoq.
- Inissinniuunnermi Nagtoralik unamminertik kingulleq Uummannaminngaanneersut UB-68 ajugaaffigalugu pissartanngorniuunnissaq qulakkeerpaat. Aqissiaq aamma I69 2 amerlaqqatigiinnik pointinnapput. I-69 2 pissartanngorniutivinnissamut anngunniassangunik hold 1-tik isertitanik aqqanilinnik ajugaaffigisariaqarsimavaa, taamaaliortulli, paasissutissiarineqarpoq.
NUK hold 1 aamma Aqissiaq 3-nngorniuupput.
Unammineq naligiiffioqaaq unammineq 0-0-mik naammassivoq. Unammineq 2x5 minutsinik sivitsorneqarnerani suli isertitaqartoqarsimanngimmat unammisut isertitseriaqattaarput, Aqissiarlu 3-1-mik ajugaavoq.
Nagtoralik Paamiuneersut pissartanngorput. Taakku I-69 2 1-0-mik ajugaaffigaat. Nagtoralimmi aqutsisoq Nuunu Petersen unamminermi kisiartaalluni isertitsivoq. Taanna unamminerup immikkoortuata aappaani isertitsivoq.
- I-69 isertitsinissamut arlaleriarluni periafissaqartarsimangaluarpoq, Nagtoralimmiullu illersuilluaqaat.
Inissinnerit:
- 1: Nagtoralik Paamiut
- 2: I-69 2 Ilulissat
- 3: Aqissiaq Maniitsoq
- 4: NUK 1 Nuuk
- 5: UB-68 Uummannaq
- 6: I-69 1 Ilulissat
- 7: NUK 2 Nuuk
Ukiumi holdi:
- Vivi Jakobsen, Nagtoralik-45
- Nuunu Petersen, Nagtoralik-45
- Johansine Rosbach, I-69
- Pilunnguaq Magnussen, I-69
- Paornánguak' Isaksen, Aqissiaq
- Mette Larsen Lyberth, NÛK