Skip to main content

Assit takukkit: X-factor Nanortalimmi finalertussat nassaarineqartut

X-factor Nanortalimmi finalertussat nassaarineqarput. Finale arfininngorpat ingerlanneqassaaq, ajugaasoq kujataani ajugaaniutivinnissamut anngutissaaq

Nanortalimmi X-factorimut semifinalerneq illoqarfiup timersortarfiani sapaammi ingerlanneqarmat innuttaasunit 500-junit malinnaavigineqarluni iluatsitsiviulluaqqippoq.

Unamminermi tassani erinarsortartut qulit Nanortalik X-factorimi semifinalerput, taakkunanngalu tallimat arfininngornermi finalernissamut ingerlaqqipput.

Taama oqaluttuarpoq kultureqarnermut immikkoortortaqarfimmi fuldmægtigi nuannaaqisoq Minik Frederiksen Sermitsiaq.AG-mut.

- Aggersinnaasut tamarmik, meeqqaniit utoqqarnut, aggerput semifinalilu malinnaavigalugu, unnullu puinaatsutut nalilerpaat, ilaatigut isiginnaartut arlallit erinarsortunut attortissimallutik qullilisimallutik oqaluttuarput, Minik Frederiksen oqaluttuarpoq.

Atuaruk: Kujataani X-Factorimik unammisitsineq

Atuaruk: Nanortalimmi X-Factorertoqarnerani ingerlaqqittut qulit

Minik Frederiksenip oqaluttuarnera najoqqutaralugu peqataasut ima piareersarluarsimatigipput allaat dommerit kikkut ingerlaqqissanersut nalileruminaatsissimallugu.

Ukua Nanortalik X-factorimi finaleqataassapput:

  • Arnatsiaq Dorph
  • Atsiaq Stephensen Dorph
  • Sanja Kristiansen
  • Bendastine Nielsen
  • Stina Elisassen

Nanortalik X-factorimi finale arfininngorpat ingerlanneqassaaq, tassani ajugaasoq kujataani X-factor februaarimi martsimiluunniit ingerlanneqalerpat peqataassaaq.

Assit allaaserisap ataani takukkit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER