Skip to main content

Assit takukkit: William Jensen pissartanngoqqippoq

Avaannaata Qimussersuani ukiut tulleriit William Jensen Saqqameertoq ajugaavoq. Siorna pisoq assigalugu pissartanngortoq aallarnermiit tikinnissami tungaanut angumaneqanngilaq

Qeqertarsuarmi Avannaata Qimussersua inuppassuarnit malinnaaffigineqarluni arfinngornermi ingerlanneqarmat William Jensen, Saqqaq, ukiut tulleriisillugit Kallaalit Nunaanni qimussini sukkanerpaajunini apeqquserneqarsinnaanngitsumik naqissuserpaa. Willima Jensen siorna Avannaata Qimussersua Ilulissani ingerlanneqarmat unammisaminit siulliungaatsiarluni tikittoq, maanna unammisani aamma qimangaatsiarsimallugit inuppassuarnit nuannaarutigineqarluni Qeqertarsuup illoqarfianita saaralaannguani sikumi tikiffissamut siullersaalluni tikippoq. William Jensen unammisut aallarneranniik tikinnissami tungaanut siulliunnavippoq. 

- Misigisaq assorujuk nuannerpoq. Taamatut angusaqassallunga eqqarsanngikkaluarama. Ingerlasimalaarluta siuariartulaalerpunga. Qimikka qimutsillattaartuarpakka allatullu sungiusarusaartarlugit. Sukkaniunnermi aallariarneq pingaaruteqarpoq, qujanartumillu siullinngorpunga, William Jensen, tikikkiartorami misigissutsimigut killitsisimaarsimasoq, oqarpoq.   

Piniartoq aalisartorlu William Jensen 2004-mi siullermeerluni Avaannaata Qimussersuanut peqataavoq.

  1. Wiliam Jensen, Saqqaq
  2. Hans II Petersen, Ukkusissat
  3. Aron Sakariassen, Nuussuaq
  4. Thomas Thygesen, Saattut
  5. Jonas Kristensen, Kullorsuaq

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER