Amerikap Nunavissuani pissartanngorniunneq

Assit takukkit: Ullumi Guatemala unammisavaat

Ippassaq qasuersaareersimallutik assammik arsarluni nunanut allanut unammisartut Amerikap Nunavissuani pissartanngorniunnermi Uruguaymi ingerlanneqartumi ullumi unammeqqissapput

Guatemala-p sungiusaasua Pluvio Santos Sierra unammisartuilu marluk
Guatemala-miut unammisartui ammaanersiornermi
Guatemala-p sungiusaasua Pluvio Santos Sierra unammisartuilu marluk Knud Fl. LarsenGuatemala-miut unammisartui ammaanersiornermi Knud Fl. LarsenGuatemala-p sungiusaasua Pluvio Santos Sierra unammisartuilu marluk Knud Fl. LarsenGuatemala-miut unammisartui ammaanersiornermi Knud Fl. LarsenGuatemala-p sungiusaasua Pluvio Santos Sierra unammisartuilu marluk Knud Fl. LarsenGuatemala-miut unammisartui ammaanersiornermi Knud Fl. Larsen

Ullumi unammisassaat Guatemala unammiuaarnermi manna tikillugu holdini sanngiinnersaasimavoq. Brasiliamut Uruguay-mullu ajorsarujussuarsimapput. Brasilia 54-12-mik ajugaalluni. Taamaallaat USA-mut unamminermini Guatemala naammaginartumik ajorsarpoq.
Kalaallit Nunaat ajugaassanngippat pakatsinassaqaaq.
Ukioq manna Amerikap Nunavissuani pissartanngorniunnermi Kalaallit Nunaata, Guatemala-p, USA-p Mexico-llu inissat 5-8-mut unammissutigaat. Ullumi kalaallit ajugaassagunik USA-p Mexico-llu unammineranni ajugaasoq aqagu unammissavaat.
Unammineq aallarteqqissaaq nalunaaqutaq 16.00 (nunatta nalunaaqutaa malillugu 17.00).
Kalaallit unamminnginneranni semifinali siulleq ingerlanneqassaaq tassani Argentina aamma Uruguay unammissallutik, kalaallillu Guatemala unammereerpassu, sefinalip aappaani unaammissapput Brasilia Chile-lu. Kiisalu arfininngornermi kingulliullutik unammissapput USA Mexico-lu.
Pissanganassaaq takussallugu Canelones-imi Estadio Sergio Matto-mi isiginnaartoqangaassanersoq assammik arsarnermik soqutiginnittunik, kalaallit Guatemala unammilerpassuk, tassami Uruguay-mi arsaattartut nunanut allanut unammisartut nuannarineqaqisut nunarsuarmi arsaalluni Brasiliami pissartanngorniunnermi Rio de Janeiro-mi ottendelsfinalimi unammissammata.

Powered by Labrador CMS