Tunu

Assit takukkit: Tunumi skakkimik unammisaqattaartut

Islandermiut skakkertartut peqatigiiffiat Hrókuring Tunumi ulluni makkunani skakkerluni unammiuaartitsitsaqattaarput

Hrókurinn Hrókurinn Hrókurinn Hrókurinn Hrókurinn Hrókurinn Hrókurinn Hrókurinn Hrókurinn Hrókurinn Hrókurinn Hrókurinn Hrókurinn Hrókurinn Hrókurinn Hrókurinn Hrókurinn Hrókurinn Hrókurinn

Islandermiut skakkertartut peqatigiiffiani Hrókuringimi ilaasortat Kulusummi aamma Tasiilami islandermiut ukiut 13.-issaannik uteqqiallutik skakkertitsisarnerat malunnartinniarlugu sapaatip akunnerani uani skakkimik unammiuaartitsipput.

Skakkerluni unammiuaartitsinerit nunaqarfimmi 300-t missaani inulimmi Kulusummi sisamanngormat aallartipput, sapaatillu akunnera qaangiuppat Tunumi illoqarfiit anginersaanni Tasilaami naggataarneqassallutik.

Hrókurinnermiut Kulusuk aamma Tasiilaq arlaleriarlutik tikeraartareerpaat, taamaattumik ikinngutigilluakkat skakkertartut tikeraarnerminni naapittarumaarpaat.

- Tikitassatsinni tamani una qulequtaralugu aaqqissuussisarumaarpugut ‘Islandip aamma Kalaallit Nunaata ikinngutigiinnerisa ulluat’, islandimiut skakkertartut taama allapput.

Atuaruk: Islandimiut kalaallillu Ittoqqortoormiini skak-imik festivalerput

Atuaruk: Islandermiut Nuummi skakkernermik unammisitsissapput

Atisanik katersuiniarput
Hrókurinnip ilaasortai Tasiilami tikeraalerunik meeqqat angerlarsimaffiat kiisalu meeqqat inuusuttuaqqallu isersimaartarfiat pulaarniarpaat tunissuteqarfigalugillu.

Skakkertartut peqatigiiffiata nalunaaruteqarnerata Hrókurinnip suliai skakkernermut kisimi tunnganngillat, siunertaavormi nunat taakkua marluk akornanni suleqatigiinnerup annertunerpaamik nukittorsarnissaa.

Taamaalilluni skakkertartut peqatigiiffiata Hrókurinnip siorna Islandimi atisanik atornikunik katersuiniarneq ingerlassimavaa, atisat Tunumi nunaqarfinni Ittoqqoortoormiullu illoqarfiani meeqqanut inuusuttuaqqanullu tunniunneqarnissaat siunertaralugu.

- Atisanik katersuiniarneq iluatsilluarpoq, siornalu ukiakkut atisarpassuit nunaqarfinnut nassiunneqarput, peqatigiiffik taama allappoq.

Assit allaaserisap ataani takukkit

Powered by Labrador CMS