Nuuk
Assit takukkit: Timmisartup assakaasuni saarleq Nuummut minnermini qaaraa
Amerikamiut timmisartuat, ilaasoqarani timmisoq, Nuummut pilersaarutaasutut akunnilluni minnermini assakaasuni saarleq qaarpaa. Ajoqusertoqanngilaq. Assit takukkit
Amerikamiut timmisartuutaat, sumiiffimmiit sumiiffimmut assartorlugu timmisartortinneqartoq, Nuummut pilersaarutini malillugu minnermini assakaasuni saarleq qaarpaa.
Mittarfeqarfiit paasissutissiinerat naapertorlugu timmisartoq Reykjavikkimiit Canadami Goosebayip mittarfianut ingerlaartilluni Nuummut pilersaarutini naapertorlugit minnermini assakaasuni saarleq qaarpaa.
- Taamatut ilaatigut pisoqartarpoq. Tassa timmisartup assakaasua minnerup nalaani qaarluni. Tamanna tassa pisinnaasarpoq minnermi assakaasut nukkiortinneqarnerpaasarmata, Mittarfeqarfinni tusagassiisarnermut pisortaq, Hans Henrik Lichtenberg, Sermitsiaq.AG-mut oqaluttuarpoq.
Air Greenlandi ikiuutilerpoq
Hans Henrik Lichtenbergip nangilluni oqaluttuaraa timmisartortartut aalajangersimasut, Air Greenlandermiut ikiuullutik timmisartup assakaasuanik qaartumik suliaqarneranni, Nuummi unnuiinnarniarlutik.
Timmisartoq mereernermini mittarfimmi sivitsajaamik uninngaqqaarpoq.
- Sivitsajaamik uninngaqqaarneranut pissutaavoq paasiniarneqaqqaarmat timmisartup assakaasua qaarsimasoq atorlugu qanoq ilillugu illorsuarmut ingerlanneqassanersoq, Hans Henrik Lichtenberg oqarpoq.
Mittarfeqarfimmit nalunaarutigineqarpoq timmisartup minnermini assakaasuminik qaartoornerata nalaani inuit inuunerannik peqqissussaannillu navianartorsiortoqarsimanngitsoq.
Assit allaaserisap ataani takukkit