Tasiilaq

Assit takukkit: Tasiilami piteraq sakkortooq

- Anori sakkortoqaaq, illoqarfimmi Tele-Postimi aqutsisoq nassuiaavoq. Silasiorfik anoraasuarnernik tiimimut 252 kilometerinik sukkassusilimmik uuttuisimavoq

Thomas Kristensen Thomas Kristensen Thomas Kristensen Thomas Kristensen Thomas Kristensen Thomas Kristensen Thomas Kristensen Thomas Kristensen Thomas Kristensen Thomas Kristensen Thomas Kristensen Thomas Kristensen Thomas Kristensen Thomas Kristensen Thomas Kristensen Thomas Kristensen Thomas Kristensen Thomas Kristensen Thomas Kristensen Thomas Kristensen Thomas Kristensen Thomas Kristensen Thomas Kristensen Thomas Kristensen

Paasissutissanik amerlanerusunik nalunaaqutaq 14:00 ilanngussisoqarpoq

Tasiilaq sapaatip ataasinngornerullu akornanni piteqqamik sakkortuumik eqqorneqarpoq.

Silarlunnerani anoraasuarnerit ulussaarsuartut sakkortutigipput, silasiorfik namminersortup anoraasuarnerit sekundimut 70 meterit tikillugit sakkortussuseqartut uuttorsimavai.

Anorersuaq annertuumik aserorterivoq. Illup qalii aserorterput, igalaat aserorterput, umiatsiat uppisinneqarput aammalu containeri nikilluni.

Interneteqanngitsoq
Silarlussuup aamma mobilinut, internetimut, radiomut aamma tv-mut attaveqaatit eqqorpai.

- Telep napparutaa uppissimavoq, aamma illoqarfiup parabolia nikissimalluni. Tamassumalu kinguneraa internet aamma mobilit attaveeruttarnerat. Tamanna suli inissilluanngilaq. Aamma radio tv-lu attaveqanngillat, Tele-Postimi ingerlatsinermut pisortaq, Hjørdis Viberg oqarpoq.

Atuaruk: Sila suli ajornartorsiortitsisoq

Sorsuffik
- Illoqarfik maannakkorpiaq sorsuffittut isikkoqarpoq. Akunnerup ataatsip ingerlareernerani aatsaat anisinnaanngussaagut ajoqusernerillu qanoq annertutigineri paasillugit. Silapiluk aamma naatsorsuutigineqartumit sakkortuneruvoq. Unnuaq affarlitta qalia iluarsiniarlugu ikiuuttariaqarsimavugut, Hjørdis Viberg ilanngullugu oqarpoq.

Piterarneranut aamma atatillugut illoqarfimmi Tele-Post Centeri matoqqagallartinneqarput.

Allaaserisap ataani assit takukkit

Powered by Labrador CMS