DK-mi takutinneqartoq
Assit takukkit: Sume pillugu piviusulersaarusiaq Danmarkimi takutinneqaqqaartoq
'Sume - mumisitsinerup nipaa' Danmarkimi illoqarfinni assigiinngitsuni sisamanngormat takutinneqaqqaarpoq
- Kalaallit pinngortitarmiuupput, atugartuunngillat.
Piviusulersaarusiap aallartinnerani qallunaaq sanasoq oqarpoq. Tamanna isiginnaartunit quiagineqarpoq.
Piviusulersaarusiaq 'Sume - mumisitsinerup nipaa' Danmarkimi illoqarfinni assigiinngitsuni takutinneqarpoq sisamanngormat.
Odensemi isissutissat tamarmik pisiarineqarput, naak aamma Aalborgimi filmertarfiup piviusulersaarut marloriaq takutikkaluaraa, isissutissat aamma tamarmik pisiarineqarput.
Piviusulersaarusiami nipilersoqatigiit 1970-ikkunni qanoq issimanersut takutinniarneqarpoq. Malik Høeghip taalliai eqqortinnartut eqqartorneqarput. Ukiut 40-t matuma siorna pisimasut takutinneqarput, kiisalu peqataasut eqqarsaataat aamma saqqummiunneqarlutik.
Isiginnaartut kalaallit amerlasuut ima oqarpaluttarput: 'Torrak, sakkortoq nuanneq!'
Piviusulersaarusiaq Aalborgimi oktobarip 22-ata tungaanut takutinneqassaaq. Inuk Silis Høegh aamma Emile Hertling Péronard piviusulersaarusiartik pillugu oktobarip 21-ani saqqummiissapput.
Aalborgimi filmertarfimmi Biffenimi saqqummiinerat takuneqarsinnaasoq nalunaaqutaq 16.50 Aalborgimi Kalaallit Illuutaanni pisortap Søren Stach Nielsenip oqaatigaa.
Assit ataani takukkit