Skip to main content

Assit takukkit: Sisimiut Katersugaasiviani juulli alutornartoq

Meeqqat atuarfinni atuartut Sisimiut Katersugaasiviliata juullernerani neqeroorutaanut alakkarterillutik sapaatit akunneri kingulliit ornigullattaaginnavipput. Assit Sisimiuni Katersugaavimmeersut takukkit

Katersugaasiviup ukioq manna juullilernermi atuartunut neqeroorutaa qanga inuit ullukinnersiortarnerannut tunngavoq.

Katersugaasiviup illuinnannguata kissarsuutaa ikumavoq, atuartullu illermi issiallutik oqaluttuarmik tusarnaarput. Ullaajuvoq, silalu takkiga taarpoq. 

Katersugaasiviup assistentia Aqqalu Augustussen qanga inuit ullorissanik ilisimasaat, upperisaat, ullukinnersiortarnerallu pillugit oqaluttuarpoq. 

- Atuartut misigisaqartilluarniarlugit oqaluttuat assitalerlugit nipitalerlugillu PowerPointikkut saqqummiunneqarput. Tamannalu alutorsartitsivoq, katersugaasiviup pisortaa Christine Løventoft oqaluttuarpoq. 

Assit takukkit: Nanortalimmi katersugaavimmi juullerpalaartunik qiortaaqatigiinneq

Assit takukkit: Ammassallip Katersugaasiviani juullerpalaarneq

Meeqqat naneruarfeerassaminnik sanasarput
Atuartut illuinnanngumi Killaalik ullukinnersiornera pillugu oqaluttuarfigitereermata inimut allamut assassoriarput.

Tamannalu pisarpoq pisiniarfitoqqami. Pisiniarfitoqaq saqqummersitanut immikkullarissunut atortaraluarpoq, maannali decembarimi juullerpaluttunik assassorfiuvoq. 

- Natermiippoq orpiliaq kakillarnanik sanaaq. Ukioq manna siullerpaamik atuartut katersugaasiviup assistentia Kristian Kreutzmann orpilialiortoq ikiorpaat. Imaallaat orpilialiornermi ilisimasaq ingerlateqqinneqarpoq, Christine Løventoft oqaluttuarpoq. 

Assassorfimmi atuartut ukiumi taartumi qaammaqqutaasussanik igalaaminernik naneruarfiliortarput. Naneruarfiillu igalaaminernut touchinik qalipanneqarput. 

- Tupinnarnavianngilaq Sisimiuni juullimi naneruarfiit takussaassagunik,  Christine Løventoft oqarpoq.

Atuartut qalipaanerminni Kristian Kreutzmann pattagissamik appisimaarujoortarpoq.

Sisimiut Katersugaasiviat ukiut tamaasa juullerpaluttunik nutaanik atuartunut neqerooruteqartarpoq. Ukioq manna klassit 20-it missaat katersugaasivimmut sammisaqariartorput.

Assit allaaserisap ataani takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER