Sisimiut
Assit takukkit: Sisimiuni Katersugaasivik juulleriartornerani pulaarneqarluartoq
Sisimiut Katersugaasiviat decembarimi meeqqanit qiimasunik pulaarneqaqaaq. Oqaluttuamik tusarnaarput, illerfiusaaqqanillu decoupagialiorlutik
Uani qaammammi Sisimiuni katersugaasivimmi annertuumik aaqqissuussinernik ingerlatsisoqarpoq.
Tassami meeqqanik qiimasuni pulaarneqarluarpoq, illerfiusaaqqanillu decoupagialiorlutillu oqaluttuanik katersugaasiviup illuaraani tusarnaarput.
Oqaluttuaq juullerpaluttoq nunatsinni piviusumik tunngaveqartoq, ‘Nukappiaraq orpiliartunut qaaqquneqanngitsoq’ kissarsuut ikumatillugu tusarnaarpaat. Oqaluttuaq Otto Sandgreennip atuakkiaaniit tigusaavoq. Katersugaasivimmi oqaluttuaq pissanganarsarlugu titartagalersorneqarpoq, nipitalerneqarlunilu.
Angajoqqaanut tunissutissat
Sullivik juullerpaluttumi nukappiaqqat niviarsiaqqallu soqutiginneqalutik illerfiusaaqqat pinnersarpaat. Liimmit, qiuutit, assillu pisoqaarpasissut atorlugit illerfiusaaqqat kusanartuliaraat. Assit atorlugit pinnersaaneq kalaallit ileqqoraat, tassami siornatigut juullip nalaani iikkanut aviisinik pinnersaasoqartarmat.
Angajoqqaarpassuit qularnanngitsumik ukioq manna illerfiusaaqqamik kusanartumik juullimi tunisissasut, katersugaasivik allappoq. Assit atorlugit pinnersaaneq kalaallit ileqqoraat, tassami siornatigut juullip nalaani iikkanut aviisinik pinnersaasoqartarmat.
Atuaruk: Namminersorlutik Oqartussat pissakinnerusunut 350.000-nik tapiissuteqarput
Atuartut itigartinneqartariaqartut
Ukioq manna aaqqissuussaq atuartunuunnaannginnera allaassutigaa. Weekendi ataaseq tamaat meeqqat utoqqaallu illerfiusaaqqanik pinnersaapput, oqaluttuamik tusarnaarput, allaallu naneruusiorlutik.
Aaqqissuussaq juullerpaluttoq ornigarluarneqaqaaq, allatullu ajornartumik katersugaasivip naggataagut atuarfiit klassiisa ilai inniminniiniat inissaqanngimmata itigartittariaqarlugit.
Uuma allaaserisap ataani assit takukkit