Skip to main content

Assit takukkit: Sisimiuni GUX-imit soraarummeertut

Ukioq manna ilinniarnertuunngortut kingulliit Sisimiuni GUX-imit marlunngormat soraarummeerput

Marlunngormat juunip 30-anni Sisimiuni GUX-imit ilinniarnertuunngortut 70-iupput, ullorlu GUX-imit soraarummeertunut, ilaqutaannut, ikinngutaannut ilisarisimasaannullu puigunaatsuuvoq.

Ilinniarnertuunngortut seqinnarissuup ataani ilinniarnertuunngorput. Nasaararpassuit qaqortut sumik pisoqarnersoq takutippaat; ulloq atuarfik kingulleq naammasseqqammerpoq tamannalu timersortarfimmi nalliussineqarpoq.

Sisimiuni GUX-ip rektoria Poul V. Jensen oqalugiarpoq, Qeqqatalu Kommunia sinnerlugu borgmester Hermann Berthelsenip Laura Lennert Jensen, nuna tamakkerlugu agguaqatigiissillugu qaffasinnerpaamik 11,7-mik karaktereqarnera pillugu, tunissuteqarfigaa. Kommunip tunissutigai 5.000 koruunit taskerlu.

Pisarnertut Nunafonden ilinniartunut, karakteritigut qaffasissumik angusarissaarsimasunut imaluunniit atuanngitsuuissimanngitsunut, legatinik agguaassivoq.

Makkua akissarsisinneqarput:

Jessica Sørensen 10.000 koruuninik tunineqarpoq, agguaqatigiissillu qaffasinnerpaamik karaktereqarnera kiisalu maligassiuisumik aalajaatsumik atuariartortarnera maligassiuisumillu sulianik piffissaa eqqorlugu tunniussisarnera, pissutigalugit
Arnatsiaq Qvist 8.000 koruuninik tunineqarpoq, maligassiuisumik aalajaatsumik atuariartortarnera piffissarlu eqqorlugu sulianik tunniussisarnrea pissutigalugit
Paninnguaq Boassen 5.000 koruuninik tunineqarpoq, agguaqatigiissillugu qaffasinnerpaap tulliatut karaktereqarnera pissutigalugu
Laura Lennert Jensen 5.000 koruuninik tunineqarpoq, aalajaatsumik atuariartortarnera pissutigalugu
Eli Olsen 3.000 koruuninik tunineqarpoq, sulianik piffissaq eqqorlugu tunniussisarnera pissutigalugu
Heidi L Kreutzmann 3.000 koruuninik tunineqarpoq, sulianik piffissaq eqqorlugu tunniussisarnera pissutigalugu

Agguaqatigiissillugu qaffasinnerpaamik karakterinnattoq: Laura Lennert Jensen 11,7 - nuna tamakkerlugu ilinniarnertuunngorniarfinni qaffasinnerpaaq.

Agguaqatigiissillugu qaffasinnerpaamik karakterinnattup tullia: Paninnguaq Boassen 11,5 - nuna tamakkerlugu ilinniarnertuunngorniarfinni qaffasinnerpaaq.

Agguaqatigiissillugu qaffasinnerpaamik karakterinnattut pingajuat: Jenna Padella, 10,0

Unnukkut GUX-imit ilinniarnertuunngortut ilaqutaallu timersortarfimmi festerput.

Assit ataani takukkit

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER