Skip to main content

Assit takukkit: Silaannakkut sikunik alapernaarsuisut

Sikunik alapernaarsuisut spaaatip-akunneranut marluk pingasoriarlutik timmisarput, immakkullu angallattunut nalunaaruteqartarlutik

Ukiarmanna nalunaaqutaq 09.15-inngorpoq, timmisartortartorlu Jonas Haagensen qulimiguulik Eurocopter 120B Colibri piareersaleruttorpaa. Naanna ullormut angalanissaa naatsorsorneqarlunilu orserneqarpoq.Taamaalineranilu masassiutit aamma ikuallattumi uunaveersaateqartut ativagut.

Sikunik alapernaarsuisartup Ulrik Riisip assiliivik aamma pappilissat aallannginnermi misissoqqippai.

Aqumiut
Sikunik alapernaarsuinermik suliaq Royal Arctic Linemi aqumiunit suliarineqartarpoq, taakku tulleriiaarlutik piffissami aalajangersimasumi sikunik alapernaarsuivinnut attuumassuteqartarput.

Ulrik Riis ulluinnarni umiarsuaateqarfinni umiarsuarni aquttuuvoq. Sikumik alapernaarsuisartut 1959-ip aallartinnerani aqumiuunissaat aammalu Kalaallit Nunaata imartaani imaannaanngitsumi misilittagaqarnissaat aalajangiunneqarpoq.

Kujataani aqqut
Kujataani aqqut takisooq ullumikkut aqqutigissavarput, Narsarsuarmit Narsaq, Qaqortoq aqqusaarlugit, sineriakkoorluni Nanortalimmi orseriarluni Prins Christian Sundikkut, tassanngaanniillu toqqaannartumik Narsarsuarmut.

Sila ajunngikkaangat sapaatip-akunneranut marloriarluni pingasoriarluniluunniit aqqut taanna takisooq Kujataaniittoq timmineqartarpoq.

Immakkut angallanneq
Naak sikoqarnera ajoqutaallunilu allanngupallassinnaagaluartoq, ingammik upernaap qaammataanni sikorsuaqartillugu, sikumik nalunaaruteqartarnerit immakkut angallannermut pingaaruteqarput.

Angalanermi Ulrik Riisi misilittagaqarluarluni umiarsualivinni aamma qeqertat ikkarluillu akornisigut aqqutit amitsut akornisigut ingerlaffissat sikoqassusaat nalunaarsortarpaa, saniatigullu assiliisoqartarpoq takussutissaqarluartikkumallugu.

Umiuneq
Sikumik alapernaarsuisalerneq 1959-imi umiarsuup Hans Hedtsoftip ukiormi tassani umiunerani aallartippoq. Kingorna ataatsimiititaliamik sukkasuumik sulisumik pilersitsisoqarpoq, immakkut angallannerup qulakkeernissaanik suliaqartumik.

Sermeq Narsap tunuaniittoq kangerlummut sikunik pilersuivoq, kingornalu takornariartitsisartoq piffiup eqqaani angallassinissaminut nalunaarfigineqarnissamik kissaateqarpoq. Narsap talittarfia imartarlu eqqaaniittoq misissoreerlugu angalaffigineqarsinnaasoq paasitipparput.

Ullormi tassani sinerissami pujoq nalininnaasumit isorartuneruvoq, taamaattumillu alapernaarsuiffissap ilamerna taamaatiinnarneqartariaqarpoq. Taamaammat Nanortallip tungaanut saappugut orseriartorluta. Kujasinnerusortaanilu qujanartumik pujoq qnagattarpoq.

Tassanngaanniit kangerluit amitsut aamma Prins Christian Sund aqqusaarlugit silasiorfimmut taama ateqartumukarpugut. Silasiortullu inussiarnersut ulloqeqqasioqatigaagut.

Seqinnileqqippoq
Maanna seqinnileqqippoq, tassanngaanniillu Narsarsuarmut toqqaannaq qaqqat aammalu sermersuaq kusanartoq qulaallugit uterpugut, kusanarnerusinnaanngilaq!

Nalunaaqutaq 14.00 missaani qulimiguulik Narsarsuarmiileqqippoq. Kinguninngualu sikunik alapernaarsuisup assit aamma sikumik nalunaarutit piareermagit, alapernaarsuiviup Facebookimi qupperneranut saqqummiunneqarput.

Aamma DMI suleqatigalugu nunat tamat pitsaassuseq atortagaat naapertorlugu sikut assiliarineqartarput. Taakku qaammataasianit assilisat peqatigalugit DMI-p nittartagaani takuneqarsinnaapput.

Allaaserisap ataani assit takukkit

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER