Skip to main content

Assit takukkit: Savaatillit ukiunik 100-unngortorsiorlutik nalliuttorsiortut

Savaatillit Peqatigiit Suleqatigiissut tallimanngormat Qaqortumi ataatsimeersuarmata siulittaasoq Niels Lund tunuarpoq

Tallimanngormat juulip 3-anni Savaatillit Peqatigiit Suleqatigiissut (SPS) Qaqortumi ataatsimeersuarput ukiunillu 100-unngortorsiornertik nalliuttorsiutigalugu.

Nalliuttorsiorneq aallartinneqarpoq Gertrud Rasch Kirke-mi naalagiarnermik, naalagiartitsisuulluni provst Dorthe Petersen.

Naalagiareernerup kingorna ataatsimeersuarneq Tasersuup Atuarfiata eqaarsaartarfiani ingerlanneqarpoq, tassani siulittaasoq Niels Lund, ”Aqqalu”, Qanisartuuneersoq tikilluaqqusilluni.

Alibak Hard pisarneq malillugu ataatsimeersuarnermi aqutsisutut toqqarneqarpoq.

Borgmester Jørgen Wæver Johansen oqalugiarpoq, ilaatigut savaateqarfiit inuerussimasut eqqaallugit, tamanna pissutigalugu savaaqqat toqoragassat ikinnerulersimammata. Tamannali ilutigalugu oqaatigaa narsaatit naatitsisarfiit aatsaat taama angitigilersimasut, nerukkaatissanik siusinnerusumit amerlanerusunik naatitsisoqartalersimalluni.

Savaateqarfinni ineriartorneq nersualaarpaa, sulilu ineriartortuarnissaa neriuutigalugu.

Aatsitassarsiorneq pillugu erseqqissarpaa aatsitasarsiortoqarnavianngitsoq nunalerinermik savaateqarnermillu ulorianartorsiortitsisumik.

Jørgen Wæver Johansenip oqalugiaataa ilanngunneqarpoq.

Tamatuma kingorna Aalisarnermut, Piniarnermut Nunalerinermullu Naalakkersuisoq Karl-Kristian Kruse oqalugiarpoq.

Niels Lundip ukiumoortumik nalunaarut saqqummiuteriarlugu ukiumoortumik naatsorsuutit, aningaaserisumit Apa Kanuthsenimit suliarineqarsimasut, saqqummiuppai.

Niels Lund siulersuisunut qinigassanngorteqqinngilaq, siulittaasutullu tunuarluni.

Siulersuisunut ilaasortanngortut:
Frederik Frederiksen, ”Nukassi”, Qassiarsuk, amerlanerpaanik 50-inik taaneqarluni qinigaaqqippoq
Suulut Hansen, Qassiartuk, 43-nik taaneqarluni qinigaaqqippoq.
Maase ”Apa” Kanutsen, 40-nik taaneqarluni qimnigaaqqippoq.
Joorut Knudsen, Qassiarsuk, 31-nik taaneqarluni nutaamik qinigaavoq.
Otto Nielsen, Tasiluk, aamma nutaamik qinigaasoq 44-nik taaneqarpoq.

Aappaagu savaatillit ataatsimeersuarnerat Narsami ingerlanneqassaaq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER