Skip to main content

Assit takukkit: Republikanerit Savalimmiuni anginerpaanngortut

Avissaarniat partiiat Republikanerit Folketingimut qinersinermi tamanit uissuummissutigineqartumik Savalimmiuni anginerpaanngorput. Sambandspartiet Folketingimi inissamik qulakkeerinnissimasutut siulittorneqartoq ilaasortaaffimmik annaasaqarpoq

Republikanerit siulittaasuat Høgni Hoydal Savalimmiuni tv-iikkut aallakaatitsinermi qinersinerup unnukkuani peqataasoq Thorshavnimit inernerit saqqummiunneqarmata tupaallattorujussuuvoq. Thorshavn qinersiviit anginersaattut kisimi amigaataalerpoq, qinersinerullu inernera suli paasinarsinngitsoq Sambandspartip aamma Socialdemokratit ilaasortaatitaqaqqilersussatut isikkoqarput. Thorshavnimili taasinerit sunik tamanik allanngortitsipput Republikanerillu partiit taakkua marluk qaangerlugit annerulerlutik. Republikanerit 5730-nit taaneqarput taamalu partiini annerpaanngorlutik.

Socialdemokratit 5666-init taaneqarlutik tullersortinngorput inissallu aappaanik pissarsillutik.

Sambandsparti qaangerneqarpoq 5500-inillu taaneqarluni. Talerperliit Savalimmiunit inissap pissarsiareqqinnissaanut Folketingimilu ilaasortaatitat 91-inngornissaannut taasinernik 167-inik amigaateqarput.

Ataatsimiititalianut ilaasortanngorusuttut

Høgni Hoydal aamma Sjúdur Skaale Republikanerit aamma Socialdemokratit sinnerlugit qinigaapput. Taakkua marluullutik Savalimmiuni radiomut oqarput, suliassat Savalimmiunut tunngasut oqaluuserineqartillugit Folketingimi ataatsimiititalianut ilaasarumallutik.

- Savalimmiunut tunngasunik suliaqartoqartillugu ataatsimiititalianut ilaasarsinnaaninnik isumaqatigiissuteqarsimavunga. Isumaqatigiissut taama ittoq pissarsiareqqikkusuppara, Sjúdur Skaale oqarpoq.

Høgni Hoydal tamatuminnga aamma anguniagaqarpoq.

- Udenrigspolitiske Nævnimut aamma Europaudvalgimut ilaasortanngorusuppunga. Europaudvalgimut ilaasortaareersimavunga, Danmarkilu pissaanermik annerusumik EU-mut tunniussaqalerpat sillimanissaq pingaaruteqarpoq, Høgni Hoydal oqarpoq.

Folketingimi inissaq Magni Argemut

Republikanerit siuttuat ilanngullugu oqarpoq, ataatsimiititalianut taakkununnga qanoq ililluni ilaasortanngornissani suli paasinarsinngitsoq.

Siulittaasoq inuttut 1477-ini taaneqarpoq. Taanna oqarpoq Lagtingimi Folketingimilu ataatsikkut ilaasortaarusunnani. Taamaattumik Folketingimi akuersissutiginninneq ataatsimiititalianillu pilersitsineq eqqarsaatigalugu suliassat 2.-3. juli inissippata sulinngiffeqarniarpoq.

Allattorsimaffimmi Magni Arge tullersortaavoq 1082-init taaneqarsimalluni.

Politikkimi nuimasoq isinngitsoortoq

Edmund Joensen Venstrep suleqataanit Sambandspartimeersoq 2416-init taaneqarluni taaguunneqarluarpoq.

Taakkuali naammanngillat. Partii pingajuattutinissippoq Socialdemokratinit taasinernik 166-inik ikinnerusunik taaneqarluni.

Edmund Joensen Savalimmiuni politikkimi nuimasuuvoq. Folketingimut 2007-imiilli ilaasortaasimavoq. Folketingimut 1994-1998 aamma ilaasortaavoq.

Edmund Joensen 1994-imi septembarimiit 1998-imi maajimut lagmandiuvoq (naalakkersuisut siulittaasuat). Piffissami tassani Folketingimit sulinngiffeqarpoq. Politikeri 70-inik ukiulik 1988-imiit 2008-mut Lagtingimut ilaasortaavoq. 2002-miit 2008-mut Lagtingip siulittaasoraa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER