Skip to main content

Assit takukkit: Qaanaap eqqaani annaassiniaaneq

Angallat tingerlaataannalik ajornartorsiulermat, umiarsuaq alapernaarsuut sapaatip-akunnerata naanerani annaassiniaavoq

Sakkutuut umiarsuaat alapernaarsuut 'Ejnar Mikkelsen' sapaatip-akunnerata naanerani Qaanaap eqqaani suliaqarpoq, tassani angallat tingerlaataannalik motooriminik ajornartoorsimavoq, Issittumi Sakkutooqarfik ilisimatitsivoq.

Nalunaarneq
Angallat tingerlaataannalik motooriminik unittoornermi kingorna ajornartoornermik nalunaaruteqarpoq, anorlileraluttuinnarneranilu kisarsimalluni. Angallat angallatip sarpiinut allunaasamik kanngittoorsimavoq, kisarlu annaallugu, anorlileraluttuinnartumilu tissukarnaveeqqumik uninngasimapput.

Ejnar Mikkelsen akunnerit arfinillit ingerlareerluni sumiiffimmut apuummata, anori anorersuaannguussimavoq ersenerlullunilu.

Assit takukkit: Issittumi Sakkutooqarfik kilisaammik ikiuivoq

Kalinneqartoq
Umiarsuup alapernaarsuut allunaasamik naloriussivoq, kalittaatissamillu ikaarussilluni, angallat isumannaatsumut anoreqanngitsumullu kalinneqarniassammat.

'Ejnar Mikkelsen' angallallu ajutoortoq oqquusumut kisarfissamut arfininngornermi unnukkut apuupput, 'Ejner Mikkelsenillu' aqqartartuisa angallatip sarpiinit allunaasaq kipivaat, taamaattoqarneranilu inuttat kissartunik nerisinneqarput. Taakkulu uffarfinnissaminnut periarfissinneqarput, umiarsuillu inuttaanik oqaluttuaqattaarnissaminnut periarfissaqarlutik, sakkutuut ilisimatitsipput.

Umiarsuit tamarmik kisarlutik unnueqqaarput. Ullaakkullu angallammi tingerlaatilimmi minnerusunik iluarsaassinerit pipput.

Allaaserisap ataani assit takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER