ilisimasat nutaat

Assit takukkit: Piumassutsimik suleqataajumalersitsiniartut

Misissuinerup nutaap takutippaa innuttaasut pingajorarterutaat piumassutsiminnik suleqataanermut peqataarusuttartut. Peqatigiiffiit pingasut maanna amerlanernik peqataalersitsinialerput

Lars Andersen Lars Andersen Lars Andersen Lars Andersen Lars Andersen

Qanoq ililluta piumassutsimik suleqataasut amerlanerulertissavagut?

Apeqqut ajornanngilaq, akissutaali ajornarpoq.

Ukioq suleqataajumaffiusoq
Artic Winter Games 2016-ip allattoqarfia, Peqatigiiffik Meeqqat Inuunerissut aamma Kalaallit Nunaanni Timersoqatigiit Kattuffiat sapaatip akunnerata aallartinnerani aappaagu ukioq suleqataajumaffiusunngorniarlugu piareersarlutik naapipput, KIVITSISA 2016.

Qiimmatsanneq
Esben Danielsen, Danmarkimi Lokale og Anlægsfondenimi pisortaq aamma siornatigut Roskilde Festivalimi ineriartortsitsinermut pisortaq piumassutsimik suleqataatitsineq qanoq angusaqarfiutigisinnaaneranik saqqummiivoq. Tassanilu Roskilde Festival 34.000-inik piumassutsiminnik suleqataasoqartartoq tunngavigalugu suleqataasut piumassusaannik aamma annertuumik pilersitsisinnaanerannik sulinermik assersuusiortoqarpoq.

Allannguisutullu aallaviusarput, tatiginninneq, piumassuseq aamma qiimmatsanneq.

29 procent
Naapeqatigiinnermi Kalaallit Nunaanni piumassutsimik suleqataanermut misissuneq siullerpaaq saqqummiunneqarpoq. Idrættens Analyseinstitutip inuit timersornerup silarsuaaniittut piumassutsimik suleqataasarneq pillugu apersorneqarput. Misissuinerullu takutippaa apersorneqartut 29 procentii piumassutsimik suliaqarneq ajortut, kisianni aperineqarunik ikiuukkusullutik. Paasissutissaq taanna peqataasunik oqallitsitsilerpoq. Taakku 29 procentit qanoq anguneqarsinnaappat?

Peqataassut maannakkut suliniutitik ingerlateqqippaat, 2016 ukioq suleqataajummaffiusunngornissaa anguniarlugu.

Nukissat nutaat
Ullut nuanneqaat, innuttaasunillu ikiuukkumatuunik qulakkeerinissamut suleqqinnissamut nukissanik aamma isumassarsianik nutaanik pissarsiaqarfiupput, Arctic Winter Gamesip allattoqarfiani aaqqissueqataasoq Arnakkuluk Jo Kleist erseqqissaavoq.

Allaaserisap ataani seminarertoqarneranit assit takukkit

Powered by Labrador CMS