Skip to main content

Assit takukkit: Pisissaarnermi pissartanngorniunneq ima inerneqarpoq

Nuummi pisortatigoortuunngitsumik pisissaarnermik pissartanngorniunneq weekendimi ingerlanneqarpoq

Pisisseq - Pisissaarnermi nunatsinni pissartanngorniunneq siulleq saapaatiummat Nuummi pisissaartartut ingerlappaat.

Unammineq siulleq Gothåbhallemi ingerlanneqarpoq.

Pisissaartartut 25-t, klubbimi 'Pisisseq'-mi tamarmik ilaasortat, unamminerni immikkoortuni qulini peqataapput. Pisissaariaatsinut ukiunullu immikkoortiterneqarlutik. Unamminerit marluk assigiinngitsut ingerlanneqarput; siulleq kisimi unammilluni aappaallu immikkoortitaarfinni arlalinni pissartanngorniutsitsisoqarluni.

Inuusuttuni ajugaasut

12 meterinik ungasitsigisumi eqqoriaaqattaarnermi Siiva Rosing-Johnsen pissartanngorniutivinnermut ingerlaannarpoq. Taanna minnernut ilaasussaagaluarluni pisissaartartut amerlanerit unammerusukkamigit meterinik 12-nik uangasitsigisumut eqqoriaasaqattaartunut ilannguppoq.

Siiva Rosing-Johnsen inuusuttuni pisissaartartuni 2-nngorpoq 202-nik pointeqarluni. Christian Carstensenilu 216-nik pointeqarluni 14-15-nik ukiulinni ajugaavoq.

Christian Carstensen Siiva Rosing-Johnsenilu finalimi unammipput. Naligiingajalluinnarlutillu nagataani Christian ajugaalluni.

Inersimasut

Bronzenaniuttuni aamma naligiingajalluinnartoqarpoq. Ian Burghardtilu Leyna Carstensenimut ajugaavoq.

Inersimasuni Jan Stripp finalimi Mikael-Erik Larsen ajugaaffigaa. Bronzennanniunnermilu Inunnguaq Petersen Jeppe Carstensenimut ajugaalluni.

Allaaserisap ataani assit takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER