Skip to main content

Assit takukkit: Paddy Kelly nuannisartitsersuaartoq

The Kelly Family-mik nuannaartorinnittorpassuit Nuummi sisamanngornermi tusarnaariarrapput

Nilliasut, pattaattut nuannisarnerullu pianik qullilisut.

Nipilersortartuni nuannarineqarluartuni The Kelly Family-mi nipilersoqataasarsimasoq Paddy Kelly kulturikkut illorsuarmi Katuami tusarnaartitsimmat tikilluaqquneqarluaqaaq. Nalunaaqutaq 17 aamma 21 tusarnaartitsivoq. 

Inuk alutorineqartoq nipilersullaqqigineqarluartullu tikilluaqquneqarluarnini tupaallaatigerpasippaa, inuimmi nipiliorlutillu nilliapput. Paddy Kellyp appisimaarnermini unikkallalaartariaqarsimavoq alutorsarnermik. Nunarsuarmi nipilersortartup ilisimaneqartup marloriarluni tusarnaartitsinermini tusarnaariat nuannisalaavissorput. The Kelly Family-mi nipilersuutit, nammineq taalliani kiisalu aamma suli saqqummerneqanngitsut tusarnaartitsinermini atorpai. 

Isiginnaariat arnaapput angutaallutillu 20-nit 50-it tikillugit ukioqarnerusut.  ’I’m In Love With An Alien’ appimmagu inersuaq tamaat nippappoq. Isiginnaariat tamangajammik nilliapput ilaatigut siutinut annernarsinnaasumik. Katuaq immaqa aatsaat taama nipitutigaaq. 

Tusarnaartitsisoqarnerani unnuk tamaat nuannersupilussuuvoq. Inuit nuannapput erinarsoqataasarlutillu. Paddy Kellymit pattaaqquneqaraangamik pattaateqataasarput. 

Paddy Kelly Danmarkiliarluni tallimanngornermi aallaqqissaaq, Vejlemi aqagu tusarnaartitsissalluni. 

Assit ataani takukkit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER