Skip to main content

Assit takukkit: Nuummioq salmonellamik misissuereernermi kingorna ph.d.-nngortoq

Århus Universitetimi uumasunik ilisimatusarnermi nuummioq Sofie Ulrich-Lynge suliani illersoreeramiuk ph.d.-nngorpoq

31-nik ukioqartoq Sofie Ulrich-Lynge salmonella misissoreerlugu ph.d.-nngortinenqarpoq pingasunngormat. 

- Angusarissaarlunga naammassinera nuannaarutigeqaara, Sofie Ulrich-Lynge nuannaarluni Sermitsiaq.AG-mut oqaluttuarpoq. 

Ilinniarnermini uumasunik ilaatigut misilittaasarpoq, kiisalu aamma Berlinimi qaammatini pingani atuarnermini salmonella pillugu annertunerusumik ilisimasaqalerluni. 

- Ukiuni pingasuni annertuumik suliaqareerlunga angusara nuannaarutigeqaara - suliara nunani allani aamma takutinneqarsinnaanngorpoq, Sofie Ulrich-Lynge oqarpoq. 

Kukkukuut misissorpai
Bioteknologimi DTU-mi sulereerluni ph.d-mut atualissalluni aalajangerpaa. 

- Timip nappaammut akiuussutissaa siornatigut sammisareernikuugakku kukkukuut misissussallugit soqutigilersimavara. Inuit salmonellamik eqqugaasarnerannut akiuussutissanik suliaqarnissara soqutigilerlugu.

- Kukkukuut nappaammut akiuussutissaa aamma soqutigalugu suliarilerpara. 

Nuummi ilinniartitsisuni nersualaarpai
Maannakkut suliffissarsiorallarpoq, Universitetimi sulilernissani ilaatigut takorloorpaa. 

- Siunissaq pissanganartutut isigaara. Danmarkimi suliffissarsiorpunga, Kalaallit Nunaannulli siunissami aamma uternissara ammatippara, qangalimi aamma Nunatsinniippunga, oqarpoq. 

- Nuummi Qorsussuarmi aamma GU-mi atuarluarsimanikka pissutaallutik taamatut angusaqarpunga, taamaammat ilinniartitsisorisimasakka aamma eqqarsaatigaakka, Sofie Ulrich-Lynge oqarpoq.

Assit marluk ataani takukkit suliaalu marluk aamma takuneqarsinnaallutik talerpiata tungaani

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER