Nuuk
Assit takukkit: Nuummi innuttaasunut atugarliortunut neqeroorut nutaaq
Kofoeds Skole atornerluisunik ilitsersuinernik aamma assigiinngitsunik sullivinnik neqerooruteqarpoq
Sisamanngornermi juunip 16-ani Nuummi innuttaasunut atugarliortunut neqeroorut nutaaq ammarpoq, tassa Kofoeds Skole atoqqaartinneqarmat.
Ammarneranut atatillugu Kommuneqarfik Sermersuumi borgmesteri, Asii Chemnitz Narup oqalugiarpoq, tassani naqissuserpaa, inuuneq piffissami sivikinnerusumi sivisunerusumiluunniit ingerlalluanngippat atuarfik orninneqarsinnaasoq.
Inuuneq isumaqarluartoq
- Inuit tamarmik inuuneqartariaqarput taakkununnga isumalimmik aamma amerlanerit sapiinnerulissapput piumassuseqarnerulerlutillu inuunermik ingerlannissaanut – taakkununnga nuannaarutaasumik iluaqusiisumillu aamma ilaqutaannut, sermersooq.gl naapertorlugu, borgmesteri taama oqarpoq.
Angerlarsimaffeqanngitsut inuillu ajornartorsiutillit aqqusinermiit Kofoed Skolemut isersinnaassapput atuarfiup ingerlataanut arlaatigut ikiuukkiartorlutik. Pissarsiarineqassapput nerinissaq, atisat, errorsineq assigisaallu.
Nuummi Kofoeds Skole ukuninnga neqerooruteqarpoq:
-
Pequsiortut sannaviatIllumi ulluinnarni aserfallatsaaliuinernik suliassat
Mersorneq- sapangaaralerineq nuersaanerlu
Nutaaliornermut sannavik
Qarasaasiarsorsinnaaneq
Igaffik
Siunnersuinerit ilitsersuinerillu
Atornerluisunik ilitsersuinerit atornerluisoqatigiillu
Atisaasivik
Kalaallisut oqalussinnaasut
Suliap ingerlanerani pingaartinneqarsimavoq Kofoed Skolep kalaalerpaluttup pilersinneqarnissaa, Danmarkimi immikkoortortaqarfiuinnaqqunagu. Taamaattumik kalaallisut oqalussinnaasunik sulisussanik pissarsiortoqarpoq, inuttut ajornartorsiutillit ajornartorsiornerpaaffianni oqaatsit aporfioqqunagit.
Aningaasaateqarfinnit taperneqartoq
Ukiuni pingasuni siullerni atuarfiup ingerlannera, OAK Foundation Denmarkimit, Villumip Aningaasaateqarfianit aamma Siunertanut naliginnaasunut A.P. Møllerip nuliatalu Christine Mc-Kinney Møllerip aningaasaateqarfianit tapiiffigineqarpoq.
Ammaanersiornermit assit uani ataani takukkit