silarluppoq
Assit takukkit: Nuummi aqqusinikkut angalaniarneq pingasunngormat ajornartorsiutaavoq
Nunatsinni illoqarfiit pingaarnersaanni Sermitsiaq.AG angalaaqqippoq pingasunngormat. Tassani aqqusinikkut angalaniarneq qanoq ilungersunartiginersoq assilineqarpoq
Annonse
Nuummi sila allanngorartorujussuuvoq ulluni makkunani. Tassami apisarlunilu, siallertarlunilu anorersuartarpoq. Silap pissutigisaanik aqqusinikkut angalaniarneq taamaasilluni ilungersunarsinnaasarluni.
Silap nikerarnerujussua tupigusuutigineqarsinnaavoq, tassami masannartulioqqaariarluni apivoq, naggataatigullu masannartulioqqilluni.
Aqquserngit arlaqartut matoqqatinneqarput. Tassami politiit kajumissaaruteqarput pisariaqavitsinnagu biilertoqartariaqanngitsoq. Timmisartoqarfimmut aqqut matoqqatinneqarpoq, aamma aqquserngit amerlasuut piffissami sivisuumi biilerfigineqanngillat.
Sisamanngornerup ullaani Nuuk silaqqippoq seqinnerluni.
Aqqusinerni assilisat ataani takukkit