Malunnartitsineq
Assit takukkit: Nunavummit aallartitat højskoli pulaarpaat
Knud Rasmussen Højskolia ukiunik 52-inngortorsornermini aallartitanik tikilluaqqusivoq
Ulloq oqaluttuarisaanermut pingaarutilik pivoq juulip 3-anni Sisimiuni Knud Rasmussenip Højskolia ukiunik 52-inngortorsiormat. Ulloq taanna nalliussineqarpoq Nunavummut aallartitat peqatigalugit.
Højskolip nalliuttorsiornerani peqataapput illinniagaqarnermut ministeri Paul Quassa aamma Nunavut Arctic College-p pisortaa Mike Shouldice. Forstanderiugallartup Juliana D. Braggs-ip højskolip atortui aamma Kalaallisuuliornermik Ilinniarfik takornariartippai.
Ilinniagaqarnermut ministeri oqaluttuarpoq Nunavummi højskolit siullersaat, ´Piqqusirivvik´ Nunavut Arctic Colle, Clyde River-imiittoq, 2011-imi ammarsimasoq, taamanikkullu Knud Rasmussenip Højskolianit tikeraartoqarsimallutik.
Ilinniagaqarnermut ministeri Paul Quassa oqarpoq Piqqusilirivvik pilersinneqarsimasoq Knud Rasmussenip Højskoliata tarninga assigalugu, tamatumani højskolip piareersarnerani Canadamit Sisimiuni Knud Rasmussenip Højskolianut arlaleriarluni tikeraartoqartarsimalluni Piqqusirivviup sananeqarnissaanut isumassarsiorluni.