Skip to main content

Assit takukkit: Nuna masakkaluartoq peqataasut amerlasuut

Nunakkut arpanneq tamaviaarnartoq KangNu Running Race arfininngormat Nuummi ingerlanneqarpoq, peqataasorpassuillu nuna masakkaluartoq arpanneq ingerlappaat

Nuummi nunakkut arpannermi tamaviaarnartumi KangNu Running Race-mi peqataaniarlutik nalunaartut 278-iusimapput. Aaqqissuussisulli nalunaarput ikittut arpannermi peqataaniaratik nalunaarsimasut.

– Peqataaniarlutik nalunaarsimasut ikittut peqataanngiinniarlutik nalunaarsimapput, sila nunallu masannera pissutigalugu, Nuup Tmersortarfissuanit aaqqissuussisoq Jens Kristian Berthelsen oqaluttuarpoq.

Taassuma oqaluttuaraa aaqqissuussineq iluatsilluarsimasoq, peqataasullu arpannerup ingerlannera nuannarisimagaat.

Peqataasorpassuit

Aaqqissuussisut Nuup Timersortarfissua NUIF-ilu nalunaarput 35 kilometerimut arpannermi peqataasut 43-usut, 20 kilometerimullu arpannermut peqataasut taamatut aamma amerlatigipajaartut. Peqataasullu sinneri 20 kilometerinut pisupput.

Minigaluartoq nunali masalluni quasakkaluartoq arpannermi ajoqusertoqanngilaq, aarlallilli qilusoortarsimapput.

– Qujanartumik ajoqusertoqanngilaq, arlallilli qilusoortarput sila nillerlunilu masammat, Jens Kristian Berthelsen oqaluttuarpoq.

Ajugaasut taakkuupput

Siorna 35 kilometerimut arpannermi ajugaasut, sisoraatinik oqilaniuttartut Martin Møller aamma Niviaq Chemnitz Berthelsen ukioq manna ajugaaqqipput.

Angutit 20 kilometererneranni anugaasut marluupput, Peter Oluf Meyer aamma Rene Brandt Jensen, ataatsikkoorlutik apuukkamik. Malik Juhl normu 2-ngorpoq Jukku Kielsenilu normu 3-ngorluni.

Arnat 20 kilometererneranni ajugaavoq Karen Vindfeld, tulliilu Maliina Abelsen aamma Tupârnak Lynge Thomassen ataatsikkut apuupput.

KanguNu Running Race 2015-imit assit ataani takukkit

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER