Skip to main content

Assit takukkit: Norsaq HC illoqarfimmi unammiuaatitsisoq

Sapaatiummat Aasianni assammik arsarluni illoqarfimmi unammiuaarnerit sisamassaat ingerlanneqarpoq, peqataallutik holdit katillugit, angutit arnallu, arfineq pingasut illoqarfimmi pissartanngorniunnermi 2016/2017-mi ajungaaniutivinnissanut anngunniarsarisut

Arnani angutinilu holdit tamarmik juulli sioqqullugu unammiuaarnerit pingajussaanik ingerlanneqarmata imminnut unammereersimalerput.

Unammiuaarnissat sinneruttut suli arfiniliupput, angutinilu maannakkut Norsaq HC hold 1 siuttuungallarpoq, arnani Norsaq HC siuttuusoq. Maannakkumuugallartoq isertitsinerpaasimalerput Aqqaluk Brandt Illoqarfimeersoq, Rosa Kristiansenilu Norsaq HC-meersoq.

Sapaatiummat unammiuaartoqarnerani unammilluarnerpaatut Maline Platou Petersen, Comeback Ladiesimi arsaqataasoq René Sandgreenilu, Norsaq HC hold 1-meersoq, toqqagaapput.

Arnani holdit peqataasut:

  • Comeback Ladies
  • Norsaq HC
  • Tipingissut Qilertillit
  • U12 Junior drenge

Angutini holdit peqataasut:

  • Norsaq HC 1
  • Norsaq HC 2
  • Ynglinge
  • Illoqarfik

Unammiuaarnissat tulle 5. februar Aasiaat timersortarfiani ingerlanneqassapput, Norsaq HC aaqqissuussisoralugu. Ajugaaniutivinnerit 23. april pissapput.

Uani allaaserisap ataani assit takukkit

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER