Odense

Assit takukkit: Nordatlantiskip juullimut niuffatsitsinera

Ukiuni pingasuni tulleriinni Nordatlantisk Hus Odensemiittoq pulaarneqarluartumik juullimut niuffatsitsivoq

Knud Fl. Larsen Knud Fl. Larsen Knud Fl. Larsen Knud Fl. Larsen Knud Fl. Larsen Knud Fl. Larsen Knud Fl. Larsen Knud Fl. Larsen Knud Fl. Larsen Knud Fl. Larsen Knud Fl. Larsen Knud Fl. Larsen Knud Fl. Larsen Knud Fl. Larsen Knud Fl. Larsen Knud Fl. Larsen Knud Fl. Larsen Knud Fl. Larsen Knud Fl. Larsen Knud Fl. Larsen

Inuit tusindit juullimut tunissutissanik allaanerulaartunik pisiniarlutikm, weekendimi akunnerit arlalialuit Odensemi sissami Nordatlantisk Husimut pulaarnissaminnut atorsimagaat aaqqissuisut eqqoriaapput.

Niuerfeeqqat 30-it
Niuerfeeqqani 30-iusuni assigiinngitsorpassuit toqqagassaapput. Amerlanerit kalaallit, kisianni aamma Island, Savalimmiut aamma Danmark peqataapput. Karna Andersen assersuutigalugu ammerivoq, minnerunngitsumill tunumiutut kalaallisuuliortarpoq, Andrea Tikilamit atorneqartut assimi takuneqarsinnaavoq.

Tunisilluartoq
Aammalu Mette Ørnstrup Kristensen puisip amianik nammineq sanaaminik atorluni sulisoq takujuminarpoq. Mette Ørnstrup Kristensen mersortarfinni Ilulissani Nuummilu siornatigut aqutsisuusarnikuuvoq.

- Ilimagisannik annertunerujussuarmik tunisivunga, Mette Ørnstrup Kristensen Sermitsiaq.AG-p sapaammi naapikkamiuk oqaluttuarpoq.

Illut mikisut
Lone Mørkørep Savalimmiunit illut isumassarsiat takutillugillu tuniniarpai. Annoraaminermi aammalu modelitut.

Atuakkiat aamma takussaapput. Karen aamma Finn Pedersen namminneq saqqummersitsisarfimminneersunik tuniniaapput. Atuakkanik saqqummersitsisarfiup saqqummersitaa kingulleq 'Syv år i Nordgrønland', qallunaamit palasimit Joh. Chr. Wilh. Funchimit atuakkiarineqartoq aamma 1840-mi saqqummerseqqaarneqartoq.

Saqqummersitsiviup ukioq manna Juanna Platoup atuakkiaa 'Ingerlatillunga Tarruppanga' aamma saqqummersippaa. Assiliisartoq Benny Nybo aamma atuakkanik tuniniaavoq. 'Nordatlantiske spejlbilleder' assit Kalaallit Nunaannit, Islandimit, Savalimmiunit aamma Danmarkimit oqaluttuassartallit.

Juullimut pinnersaatit
Julekortit, qalipagaaqqat, qaqorsaatit, viinnit, juullimut pinnersaatit, juullip inui islandimiut aammalu allarpassuit pisiassaapput.

Sapaammi ualikkut Nordatlantisk Kor kalaallisut, islandermiutut aamma savalimmiormiutut erinarsorput.

Ileqqut
Ukiup pingasut sinnerlugit ileqqunik aatsaat pilersitsisoqarsinnaavoq. Nordatlantisk Husili ileqqunik pilersitsiartorpoq. Nordatlantisk Julemarked Kalaallit Illuannit pilersinneqartumik aallaaveqarluni aallartisarneqarpoq. Aappaagu aamma Nordatlantisk Hus taamatut aaqqissuusseqqissaaq.

Juullimut niuffatsitsinermit assit uuma ataani takukkit

Powered by Labrador CMS