pilluarit
Assit takukkit: Nordatlantisk Hus-imi inuuissiornermi ilassinninneq
Pisortap Kirsten Mærskip 60-iliinera sisamanngormat ualikkut ilassinninnikkut nalliussineqarpoq
Ilassinninnermi assigiinngitsunik ukiullit takkussuupput. Oqalugiartoqarpoq. Inuuissiortup erinarsuutaa oqaatsit sisamat atorlugit atorneqarpoq. Aliikkusersuisoqarpoq. Inuuissiortoq tunissutisitinneqarpoq. Tamalugassaqarpoq najugassaqarlunilu, minnerunngitsumillu naasorpassuit, Nordatlantisk Hus-ip pisortaa aamma Kalaallit Illuutaata pisortaa Kirsten Mærskip 60-iliilluni inuuissiornerani Nordatlantisk Husimi ilassinnittoqarmat.
Nordatlantisk Hus-ip siulittaasua, Odensep Kommuniani rådmand Steen Møller, pilluaqqusilluni oqalugiarnermini Kirsten Mærskip suliaminutd tamanut tunniusimalluinnarnera eqqaavaa:
– Qularutiginngilara sikkilertartuusuuguit qangarsuarli nukkassaatitorsimasutut tigusaasimassagaluartutit, Steen Møller ilaatigut oqarpoq nangillunilu:
– Tamatigorluinnaq najuuttarputit. Tamatigut naluneq ajorparput sumiinnersutit, nalunngilarpullu naatitat pissarsiffiusartut, illillu naatitaqartaqaatit inuppassuillu atorfissaqartitsisut inuunerisa aqqutaanni neriuutissaqartilertarlugit.
Soorunamilu inuuissiortup erinarsuutaa atorneqarpoq. Tamannalu Nordatlantisk Hus-imi pimmat oqaatsit sisamat atorlugit "inuuissiortoortoqarpoq": kalaallisut, savalimmiormiusut, islandimiusut qallunaatullu. Kiisalu Rasmus Lyberth marlussunnik atuilluni aliikkusersuivoq.