Kalaallit Nunaat Japanimi
Assit takukkit: Nanook Japanimi nuannarineqarluartut
Nanook sisamanngormat unnukkut Tokyomi qallunaat aallartitaqarfianni tusarnaartitsimmata kalaallit tusarnaariat kisimik erinarsoqataanngillat. Aamma japanimi nipilersortartut ilaat nipilersoqatigiit erinarsuutaannik rockeqataapput
Kalaallisut erinarsukkaminnik Nanook tupersuarmiittut tamaasa qititsippaat, Nive Nielsen and The Deer Children peqatigalugit qallunaat Tokyomi aallartitaqarfianni tusarnaartitsigamik.
Illoqarfimmi nipiersornermik aallussisut ilarpassui Nanook tusarnaariarlugit takkussimapput. Nipilersoqatigiit nipilersornernik selskabimit Sony-mit, Japanimi qullersaqarfilimmit ilisaritinneqarput. Tikinnermik kingorna Nanook japanip radioanit aviisinillu assigiinngitsunit apersorneqartarsimapput.
Nanook aamma Nive Nielsenip tusarnaartitsineranni nipilersornermik aallutallit kisimik tusarnaarianngillat. Aamma kunngissapput takkupput, taakkualu isermata immikkut nersorniarlugit erinarsorfigineqarput.
Kalaallit aallartitaasa tamarmik, Kim Kielsen siuttoralugu, kalaallit nipilersoqatigiit nunani allani nuannarineqarnerat misigaat.