Skip to main content

Assit takukkit: Montevideo-mi strøg-imi pisuttuarneq

Angutit assammik arsarlutik nunanut allanut unammisartut ulloq qasuersaarfimminni Montevideo-mi strøgimi pisuttuarput

Montevideo Uruguay-mi illoqarfiit pingaarnersaraat, nunamilu innuttaasut affangajaat tassani najugaqarput. Uruguay pisortatigoortumik ateqarpoq República Oriental Del Uruguay. Uruguay 3,4 millioninik inoqarpoq.
Amerikap Nunavissuani pissartanngorniunnermi unammisartut Hotel Cottage-mi, Atlantikumut qanittunngamiittumi najugaqarput. Illoqarfiup qeqqanit ungasissumi.
Unammisartut ippassaq busserlutik illoqarfimmukarput illoqarfiullu qeqqani pisuttuarlutik.
Illoqarfimmi takornartami tamatigut takusassarpassuaqartarpoq inuppassuarnillu oqaloqatissaqartarpoq. Aamma taamaappoq Montevideo-mi.
Sermitsiaq.AG-p aallartitaa illoqarfiliaqataavoq assiliisarlunilu: Frihedspladsen, atuartut angalaartut, tango-mik qitittartut, tuniniaaviit assigiinngitsut sunik tamangajannik pisiffiusinnaasut. Arnaq nuersartoq, Marcelo de Leon assilisaalu, arsaattartut tuluujui aviisillu saqqaanni oqaluttuartigaat Uruguay-p arsaattartuata tusaamasap Luis Suarez-ip Brasiliami nunarsuarmi pissartanngorniunnermit anisistaanera.
Tupaallannannitsumik Luiz Suarez sumi tamani oqaluuserineqaqaaq. Luis Suarez sisamanngormat unnukkut Brasiliamit timmisartumik angerlaanneqarpoq, Montevideo-milu mittarfimmut mittussaasimavoq kalaallit Canelones-imi Mexico unammereerlugu bus-imik angerlarlutik mittarfik saneqqukkaat. Unammisartut bussimit takuvaat inuppassuit erfalasulisarlutik mittarfiliaasimasut. Ilisimanngilaat Luis Suarez sapiitsuliortutut tikilluaqquneqartoq. Uruguay-mi nuannarinnitserpassuisa FIFA-p Luis Suarez-imik Italimut unamminermi akeqqami tuiatigut kiimmagu pillaataa isumaqatiginngilaat.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER