Nuummi mittarfik
Assit takukkit: Mittarfiup nutaap Nuup isikkua allanngortissavaa
Nuummi mittarfissap nunap isikkua malunnaatilimmik allanngortissavaa, tamanna assersuusiami tusarniaatiginnilluni nassiunneqartuni takuneqarsinnaavoq.
Mittarfik 950 meterinik takissuseqartoq 2.200 meterisut takissuseqalersillugu aamma 30-miit 45 meterinik silissuseqalersinnissaa Nuup tungaanit mittarfiup aamma Quassussuup tungaanut isikkiveqaraanni takussutissanut kinguneqartitsissaaq.
Qaqqami qarmagarujussuaq
Mittarfik ullumikkut qaqqamit toqqorsimatinneqarpoq, kisianni mittarfissaq nutaaq pilersaarut malillugu 2022-mi piareerpat taamaakkunnaassaaq.
Qarmagarujussuartut takisuutut isikkulik qaqqaq kusanartoq akimorlugu illoqarfimmit Quassussuarmut isikkivimmi takussaassaaq.
- Ingerlatsinermi killiffimmi takussussaasumik sunniutit annerusumik attuumassuteqarput pissutsinut, sumiiffimmi nunap annertuumik allannguuteqarnissaanut, annertuumik pissutaaqataasumik, Nuup aamma qaqqap akornani ikaariarfiup peerneqarneranik, aamma takussaasumik illoqarfiup qaqqamilu nunap akornani mittarfik killeqarfinngussammat, nalunaarusiami ASN-imi januaarip 15-iata tungaanut tusarniaatigineqaleqqammersumi tamanna allaqqavoq.
- Ullumikkut mittarfik ilaatigut Nuummit qaqqamit tarrisinneqarpoq, tassani suliniuteqarfiup kujataata tungaa mittarfeqarani. Mittarfimmik takissusaanik silissusaanillu alliliinermi pisariaqassapput piiaalluni qaartitserineq aamma sumiiffimmik nunniorneq, tamanna annertuumik nunamut sunniteqassaaq, nalunaarusiami tamanna allaqqavoq.
Mittarfiup nunamut sunniutissai illoqarfimmi sumiiffinnit 12-init takusassiarineqarpoq. Maanna isikkua aamma mittarfiup piareeruni qanoq isikkoqarnissaanut takusassiarineqarluni. Allaaserisap ataani asserpassuit takukkit.
Pisuffiit sunniuteqarfigissagai
Nalunaarusiami aamma sumiiffiit sukisaarsaarfiusut sunnerneqarsinnaanerat maluginiaqquneqarpoq, suliniuteqarfiup kujataatungaa qimminut aneerussisut aqqutaat atorneqarsinnaajunnaassaaq, pisuffinnullu aqqutissat allanngorsinnaapput.
- Sisortarfimmut isersinnaaneq kisianni sunnerneqassanngilaq, ASN nalunaarusiami tamanna atuarneqarsinnaavoq, tassani avatangiisinut tunngasorpassuit nalilersuiffigineqarput.
Ullormut ilaasut 1000-t
Ullormut mittarfiup allilerneqarsimasup naatsorsuutigineqartutut tamakkerluni ingerlanerani. Ulapaarfiup nalaani ilaasut ullormut 1.000-t eqqaani tikittarnissaat aamma aallartarnissaat 2031-imi naatsorsuutigineqarpoq.