Maniitsoq
Assit takukkit: Meeqqat sumiginnagaanerannut suliat sukkasumik iliuuseqarfigineqarnissaat neriorsuutigigaa
Isumaginninnermut pisortap innuttaasunik ataatsimiisitsinermi naqissuserpaa, nalunaaqquttap akunnerisa 24-t iluanni iliuuseqartoqartassasoq
Ilaqutariinnermut naalakkersuisoq, Martha Lund Olsen, qanittukkut Maniitsumi innuttaasunik ataatsimiititsimmat, meeqqanut sumiginnakkanut iliuusissat qitiusumik eqqartorneqarput.
Atuaruk: Meeqqat allaat 11-iinnarnik ukiullit hashitortarput
Ulloq ataaseq qaangiutsinnagu iliuuseqartassasut
Innuttaasunik ataatsimiititsinermi suliassanik suliarinnittarneq, iliuusissat neqeroorutillu iluanni periarfissanik nutaanik apeqqutilliisoqarpoq siunnersuuteqartoqarlunilu.
Tassungalu tunngatillugu Qeqqata Kommuniani isumaginninnermut pisortap ilisimatitsissutigaa, meeqqanut ernumassuteqarlutik nalunaaruteqarnernut tunngatillugu kommuni ullumikkut ulloq ataaseq qaangiutsinnagu iliuuseqartareersoq.
Januaarimi isumaginninnermut ataatsimiititaliamut siulittaasut, kiisalu isumaginninnermut pisortat peqataaffigisaannik Danmarkimut isumassarsiorluni angalanerup kingorna, taamatut aaqqiissuteqartoqanikuuvoq.
Innuttaasunit ataatsimiititsinermit assit takukkit